Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysyn 7 jyl basqarǵan Amandyq Batalov qyzmetinen bosatyldy

2021 jyldyń 24 qarasha 2021 11:02

TALDYQORǴAN. QazAqparat - Memleket basshysynyń Jarlyǵymen Amandyq Ǵabbasuly Batalov Almaty oblysynyń ákimi laýazymynan bosatyldy, dep habarlaıdy QazAqparat tilshisi.

QR Prezıdenti Ákimshiliginiń Basshysy Erlan Qoshanovtyń qatysýymen Almaty oblysynyń ákimdiginde oblystyq máslıhattyń kezekten tys sessııa ótti.

Jıynda oblys máslıhattyń depýtattary Amandyq Batalovty qyzmetinen bosatý jónindegi sheshimge daýys berdi. Nátıjesinde Amandyq Batalov Almaty oblysynyń ákimi qyzmetinen bosatyldy.


Óz kezinde Erlan Qoshanov Almaty oblysynyń ákimi Amandyq Batalovqa buǵan deıin atqarǵan jumystaryna alǵys bildirdi.
Amandyq Batalov 1952 jyly Ózbek KSR Núkiste dúnıege kelgen.
Jambyl gıdromelıoratıvtik-qurylys ınstıtýtyn bitirgen.
1981-1985 jyldary - «Almatyóńdeýqurylys» tresiniń №37 qurylys-montaj basqarmasynda aǵa prorab, bas ınjener, bastyq.
1985-1987 jyldary - Qazaqstan Kompartııasy Lenın aýdandyq komıtetiniń nusqaýshysy
Qurylys jáne óndiristik qurylys materıaldary qyzmetkerleri kásipodaǵy Almaty oblystyq komıtetiniń hatshysy
Qazaqstan KP Almaty qalalyq komıtetiniń qurylys jáne qala sharýashylyǵy bóliminiń nusqaýshysy.
1987-1989 jyldary - qurylys jáne ónerkásiptik qurylys materıaldary oblystyq komıtetiniń tóraǵasy.
1989-1991 jyldary - Qazaq KSR Mınıstrler Keńesi Іs basqarmasynyń qurylys, ónerkásip qurylys materıaldary bóliminde jetekshi maman, bas maman.
1991-1992 jyldary - QR Prezıdenti apparatynda qurylys, ónerkásiptik qurylys materıaldary bóliminiń referenti.
1992 jyly - «Qurylys ındýstrııasy jáne tehnologııa» kontserniniń vıtse-prezıdenti.
1992-1994 jyldary - Almaty qalasy Kalının aýdany ákimshiligi basshysynyń orynbasary, birinshi orynbasary.
1994-1995 jyldary - Lenın aýdandyq ákimshiliginiń ákimi.
1995-2001 jyldary - Almaty qalasy Jetisý aýdanynyń ákimi.
2001-2008 jyldary - Almaty oblysy ákiminiń orynbasary.
2008 jyldan beri Almaty oblysy ákiminiń birinshi orynbasary qyzmetin atqardy.
2014 jyldyń tamyz aıynan ber Almaty oblysynyń ákimi boldy.


Joǵary qaraı