Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qandaı jaǵdaıda balaǵa vaktsına salýǵa bolmaıdy – vıtse-mınıstr jaýap berdi

2021 jyldyń 23 qarasha 2021 23:53

NUR-SULTAN. QazAqparat – Elimizde balalar arasynda koronavırýsqa qarsy revaktsınatsııa júrýi múmkin be? Bul suraqqa QR Densaýlyq saqtaý vıtse-mınıstri Ajar Ǵınııat jaýap berdi, dep habarlaıdy QazAqparat tilshisi.

«Qandaı jaǵdaıda balaǵa vaktsına salýǵa bolmaıdy? Allergııadan bólek, eger bala sol sátte ózin jaısyz sezinip tursa nemese sodan birer kún buryn aýyrǵan jaǵdaıda oǵan ekpe almaǵan abzal. Odan bólek, árıne balaǵa vaktsına salmas buryn mamandar onyń sol kezdegi jaǵdaıyn baqylap, tekseredi. Sonymen qatar qazirgi ýaqytta balalardan vaktsına almas buryn medıtsınalyq saraptama tapsyrý talap etilmeıdi. Bastysy - balada densaýlyǵyna qatysty shaǵym bolmasa jáne ekpege qarsy kórsetkish bolmaǵan jaǵdaıda ruqsat beriledi. Bul tusta biz dárigerlerge ár balanyń densaýlyǵyn jiti baqylap, sodan keıin ǵana vaktsına salý kerektigi týraly aıtyp jatyrmyz», - dedi Ajar Ǵınııat tanymal telejúrgizýshi Láılá Sultanqyzyna bergen suhbatynda.

Sondaı-aq, vıtse-mınıstr balalar revaktsınatsııasyna qatysty túsinik berip ótti.

«Balalar arasyndaǵy revaktsınatsııa týraly aıtýǵa ázirge erte. Sebebi erteńgi kúni epıdjaǵdaıdyń qalaı bolatynyn biz bilmeımiz. Múmkin kerek bolmaıtyn da shyǵar. Eger epıdjaǵdaı bizdiń elde ǵana emes, álem boıynsha rettelip, ujymdyq ımmýnıtet qalyptassa, onda qajet bolmaýy da múmkin. Sondyqtan aldyn ala boljaýǵa áli erterek», - deıdi ol.

Buǵan deıin mınıstr orynbasary vaktsına almaǵan balalar mektepke kirmeıdi degen aqparatqa qatysty túsinik berip ótti.

Jáne de vıtse-mınıstr antıvakserlerdi ınfektsııa aýrýhanasyna kelip, jaǵdaıdy óz kózimen kórýge shaqyrdy.

Joǵary qaraı