Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda qar kúreýge 1900-ge jýyq jol jumysshysy jumyldyryldy

2021 jyldyń 23 qarasha 2021 20:24

NUR-SULTAN. QazAqparat - Sınoptıkterdiń boljamynsha, aldaǵy kúnderi elordada qar jaýyp, boran soǵady. Qalanyń kommýnaldyq qyzmetteri táýlik boıy kúsheıtilgen rejımde jumys isteıdi, dep habarlaıdy Nur-Sultan ákimdiginiń resmı saıty.

Búgin, 23 qarashada qar tazalaý jumystaryna 1000 arnaıy tehnıka men 1871 jol jumysshysy jumyldyryldy.

Qar kúreý jumysy bastalǵaly beri elordadan 90 myń tekshe metrge jýyq qar shyǵaryldy.

«Qazgıdromet» RMK málimetinshe, 23 qarashada Nur-Sultanda kóshpeli bult shyǵady, qar jaýady, boran soǵady, kóktaıǵaq bolady. Ońtústik-batystan jel soǵady, ekpini 15-20 m/s jetedi. Aýa temperatýrasy kúndiz 0-2 gradýs aıaz bolady.

Erteńinde kúndiz sınoptıkter jaýyn-shashyn (kóbinese qar), boran, kóktaıǵaq bolady dep boljap otyr. Ońtústik-batystan 9-14 m / s jel soǵady, kúndiz ekpini 15-20 m/s jetedi, aýa temperatýrasy túnde 8-10 gradýsqa deıin tómendeıdi, kúndiz termometr 0 gradýs shamasynda bolady.

25 qarashada qar, boran jáne kóktaıǵaq bolýy múmkin. Ońtústik-batystan 9-14 m/s jyldamdyqpen jel soǵady, ekpini 15-20 m / s jetedi, aýa temperatýrasy túnde jáne kúndiz 0-2 gradýs aıaz bolady.


Basty sózder: Nur-Sultan, Qoǵam, Aýa raıy,
Joǵary qaraı