Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyqtar plastıkalyq bótelkeni ótkizip qoǵamdyq kólik kartasyn toltyra alady

2021 jyldyń 24 qarasha 2021 00:10

NUR-SULTAN. QazAqparat – Elordada plastıkalyq bótelkeni ótkizip, onyń qunyna qoǵamdyq kólik kartasyna birlik salýǵa bolady. Bul týraly CTS (City Transportation Systems) JShS-nyń qoǵammen baılanys bóliminiń jetekshisi Naýat Azanbaeva málim etti, dep habarlaıdy QazAqparat tilshisi.

«Bótelkeni tapsyr da qoǵamdyq kólik kartasyn toltyr. Endigi ýaqytta Nur-Sultan qalasynyń qoǵamdyq kóliginiń kólik kartasyn bos bótelkeni tapsyrý arqyly tolyqtyrýǵa bolady. Kólik kartalaryn paıdalanýshylar bótelkelerdi tapsyrǵany úshin syıaqy qarastyrylǵan, bir plastıkalyq bótelkeniń quny 3 teńgeni quraıdy», - dedi atalǵan kompanııa ókili Naýat Azanbaeva.

Onyń aıtýynsha, ótkizilgen plastıkalyq bótelkeler qaıta óńdeýge jiberiledi.

Elorda boıynsha alǵashqy bótelke ótkizý qurylǵysy «Astanalyq bazarda» («Artem» saýda úıi) ornalasqan.


Avtor Álı Ibraev
Basty sózder: Nur-Sultan, Ekologııa, Kólik, Qoǵam,
Joǵary qaraı