Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq jastar týrısterge arnalǵan mobıldi qosymsha jasap shyǵardy

2021 jyldyń 23 qarasha 2021 16:20

NUR-SULTAN. QazAqparat – Qazaqstanda jańa týrıstik baǵyttar iske qosylady. Ol úshin arnaıy mobıldi qosymsha jasap shyǵaryldy, dep habarlaıdy QazAqparat elimizdegi ıÝNESKO klýbtary qaýymdastyǵynyń hatshylyǵyna silteme jasap.

Habarlamada aıtylǵandaı, «Bizben birge Qazaqstandy ash!» atty uranmen otandyq týrızmdi damytý men mádenı murany saqtaýǵa baǵyttalǵan jastar jobasy qolǵa alynǵan.

«Jastar men mádenı mura» ataýyn alǵan jobaǵa elimiz boıynsha 178 top qatysyp, sonyń ishinen úzdik dep tanylǵan 12 jeńimpaz top marapattalǵan.

Uıymdastyrýshylardyń málimetinshe, ár toptyń quramynda 3 adamnan turdy jáne olar joba aıasynda 5 kúndik bilim berý baǵdarlamasyn meńgerdi.

Jas bilimpazdarǵa týrızm salasy boıynsha sarapshylar, ekskýrsııa júrgizýshileri men týrıstik blogerler dáris oqydy. Sondaı-aq, top músheleri otandyq týrızmniń negizimen tanysyp, týrıstik marshrýttar men kartalardy qurastyryp úırendi.

«Bilim berý baǵdarlamasy aıaqtalǵannan keıin top músheleri tájirıbelik tapsyrmalardy oryndaýǵa kóshti. Atap aıtqanda, týǵan jerinde týrıstik marshrýttardy daıyndaýǵa kiristi. Qatysýshylar ózderiniń ınnovatsııalyq jáne shyǵarmashylyq ıdeıalaryn paıdalaný arqyly elimizdiń mádenı jáne tabıǵı murasyn saqtaý jáne nasıhattaýǵa baǵyttalǵan turaqty týrızmniń damýyna ákeletin týrıstik marshrýttar qurýy kerek edi. Mundaǵy maqsat - jastardyń jobaǵa qatysý belsendiligin arttyryp, týǵan jerdiń sulýlyǵyn pash etýge yntalandyrý», - delingen habarlamada.

Sondaı-aq, osy osy aıdyń sońynda joba qatysýshylary ázirlengen týrıstik marshrýttar boıynsha arnaıy mobıldi qosymshanyń iske qosylatyny habarlandy.

«Bul mobıldi qosymsha jergilikti jáne sheteldik týrısterge Qazaqstannyń jańa qalalary men aýdandaryn tanı túsýge kómektesedi. Qosymshanyń basty aıyrmashylyǵy – kez kelgen adam arnaıy gıdsiz daıyndalǵan marshrýttardy óte alady. Sondaı-aq, jergilikti turǵynmen serýendegi kelse, osy marshrýttardyń avtorlaryna habarlasyp, kómegine súıene alady», - dep habarlaıdy avtorlar.

Aıta keteıik, jastarǵan arnalǵan atalǵan joba ıÝNESKO, QR Mádenıet jáne sport mınıstrligi, Almatydaǵy ıÝNESKO klasterlik bıýrosynyń, QR ıÝNESKO jáne ISESKO boıynsha ulttyq komıssııasynyń jáne «Kazakh Tourism» ulttyq kompanııasynyń uıytqy bolýymen júzege asyp otyr.


Joǵary qaraı