Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Semeı qalalyq sáýlet bóliminiń basshysy jazaǵa tartylmaq

2021 jyldyń 23 qarasha 2021 14:40

SEMEI. QazAqparat – Semeı qalalyq sáýlet bóliminiń basshysy jazaǵa tartylady, dep habarlaıdy QazAqparat tilshisi.

Búgin Semeı ákimdiginiń keńeıtilgen apparat keńesi ótti. Onda shahardy qysqy bezendirý máselesi qaraldy. Sáýlet jáne qala qurylysy bólimi eki baǵyt boıynsha jumys júrgizýdi josparlaǵan. Atap aıtqanda QR Táýelsizdiginiń 30 jyldyǵy men Jańa jyl. Biraq bólim jumysynyń bul josparyn Semeı ákimi synǵa aldy.

«Tuńǵysh Prezıdent kúnine jáne Táýelsizdik kúnine oraı kóshelerdi bezendirý týraly bir de bir sóz aıtylǵan joq. Qysqy bezendirýdiń eskızdik jobalary bekitilmegen, smetalyq qujattama ázirlenbedi. Birde-bir joba qarjylyq turǵydan bekitilmegen», - dedi Baqytjan Baıahmetov.

Keńes qorytyndysy boıynsha sáýlet jáne qala qurylysy bóliminiń jumysy sylbyr dep tanyldy. Bólim basshysyna qatysty jumysqa nemquraıly qaraǵany úshin ákimshilik jazalaý sharalary qabyldanatyn bolady.

Keńes sońynda shahar basshysy bul kúnderi qardy ýaqytyly shyǵarýdy birinshi kezekke qoıý qajettigin atap ótti. Qar jaýǵaly beri qala kóshelerinen 500 tekshe metrge jýyq qar shyǵarylǵan.




Joǵary qaraı