Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

BQO shekarasynda temeki kontrabandasynyń joly kesildi

2021 jyldyń 23 qarasha 2021 14:10

ORAL. QazAqparat - Qarjylyq monıtorıng agenttigi Qazaqstannan Reseıge zańsyz temeki kontrabandasy dereginiń jolyn kesti, dep habarlaıdy QazAqparat.

Zańsyz temekiniń quny boıynsha kóleńkeli aınalymdaǵy úlesi zor.

Atap aıtqanda, sarapshylardyń ártúrli derekteri boıynsha, memleketterge jyl saıyn kontrafaktili temeki saýdasynan tólenbegen salyqtar túrinde 35-ten 40 mıllıard dollarǵa deıin zalal keltiriledi.

Qarjylyq monıtorıng Agenttiginiń Batys Qazaqstan oblysy boıynsha aýmaqtyq departamentiniń qyzmetkerleri shetelge aktsızdik markalary joq temeki bar avtokólikti zańsyz shetelge shyǵarý kezinde ustady.

Tergeý málimetteri boıynsha, 2020 jyly jeke kásipker A.Mahmýdov Almaty qalasynda 319 myń qorap aktsızsiz temeki satyp alǵan.

Ol temeki ónimderin avtokólikke tıep, Batys Qazaqstan oblysy arqyly Reseı Federatsııasyna jibergen.

Sonymen qatar, zańsyz áreketterdi jasyrý maqsatynda ol aktsızdik markalary bar 24 myń qorap temekini satyp alyp, olardy avtokólikterge salǵan.

A.Mahmýdovqa 2,7 mıllıon teńge kóleminde aıyppul salyndy. Aktsızdelmeıtin temeki ónimderi joıyldy.




Joǵary qaraı