Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tutynýshylardyń birlestikterine óndirilgen somadan syıaqy berý usynyldy

2021 jyldyń 23 qarasha 2021 12:08

NUR-SULTAN. QazAqparat – Tutynýshylardyń quqyqtaryn qorǵaý baǵytyndaǵy zańnamaǵa tutynýshylardyń qoǵamdyq birlestikterine óndirilgen somadan syıaqy berý usynysy engizildi. Bul týraly QR Saýda jáne ıntegratsııa mınıstri Baqyt Sultanov Úkimet otyrysynda málim etti, dep habarlaıdy QazAqparat tilshisi.

«Úshinshiden, tutynýshylardyń quqyqtaryn qorǵaý júıesiniń bazalyq qaǵıdattaryn salalyq zańdarǵa jáne zańǵa táýeldi normavtıtik-quqyqtyq aktilerge taratý usynylady.

Tórtinshiden, tutynýshylardyń qoǵamdyq birlestikteriniń tutynýshyǵa óteletin somadan syıaqy esepteý týraly normasyn ınstıtýtsııalaý jónindegi tilekteri nazarǵa alyndy», -dedi mınıstr.

Sondaı-aq, zańnamalyq ózgerister aıasynda elektrondy saýda segmentin quqyqtyq retteýdi jetildirýdy usyndy.

«Árbir qazaqstandyqqa kún saıyn kezdesetin ózekti máselelerdi sheshýge baǵyttalǵan áleýmettik mańyzdy jáne qajetti zań jobasy ázirlenýde.

Qazirgi ýaqytta tutynýshylardyń quqyqtaryn qorǵaý máseleleri boıynsha zań jobalary, tújyrymdama jobalary jáne ashyq normatıvtik-quqyqtyq aktiler ınternet portalda jarııalanyp, memlekettik organdarǵa kelisýge jiberildi. Sondyqtan, tutynýshylardy jáne kásipkerlik qaýymdastyqtardy memlekettik organdarmen birlesip, osy jumysqa belsendi qatysýǵa shaqyramyn», - dedi Baqyt Sultanov.


Joǵary qaraı