Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Alty aıda tutynýshylardan 26 myń aryz tústi – Baqyt Sultanov

2021 jyldyń 23 qarasha 2021 11:37

NUR-SULTAN. QazAqparat – Tutynýshylar tarapynan kelip túsetin ótinishterdiń artýy el arasynda tutynýshylyq mádenıettiń artqanyn da kórsetedi. QR Saýda jáne ıntegratsııa mınıstri Baqyt Sultanov Úkimet otyrysynda osyndaı málimet berdi, dep habarlaıdy QazAqparat tilshisi.


«Tutynýshylardyń quqyqtaryn qorǵaý jónindegi zańnamaǵa byltyr engizilgen túzetýlerdiń arqasynda QR Úkimetiniń janynda vedomstvoaralyq keńes quryldy. Tutynýshylardyń quqyqtaryn qorǵaý salasyndaǵy ýákiletti organǵa memlekettik baqylaý júrgizý fýnktsııalary berildi. Tutynýshylardyń quqyqtaryn buzǵany úshin ákimshilik jaýapkershilikke tartý normalary engizildi. Tutynýshylardyń shaǵymdaryn qaraýdyń úsh satyly júıesi quryldy», - degen mınıstr, bıyl 1 qańtardan bastap «E-tutynushy» aqparattyq júıesi iske qosylǵanyn eske saldy.

Onyń aıtýynsha, jyl saıyn Saýda jáne ıntegratsııa mınıstrligine tutynýshylardan kelip túsetin ótinishterdiń sany artyp keledi.

«Mınıstrlik 2019 jyly 6 myńǵa jýyq ótinishti qarasa, 2020 jyly ótinishter sany 21 myńǵa jetti. Al bıyl 10 aıdyń kórsetkishi ótken jyldyń kóleminen asyp tústi.

Osy málimetter salada problema bar ekenin ǵana emes, tutynýshylyq mádenıetiniń birtindep artyp kele jatqanyn da kórsetedi. Ótinishterdiń ósýiniń uqsas jaǵdaıy ózge memlekettik organdar boıynsha da baıqalady. Mysaly, 2019 jyly memlekettik organdarǵa shamamen memlekettik organdarǵa shamamen 30 myń ótinish tússe, 2020 jyly 40 myń, al bıyl jarty jylda 26 myń ótinish qaraldy», - dedi Baqyt Sultanov


Joǵary qaraı