Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada saýda ortalyǵynan 2,5 mln teńgeniń altyn saǵaty urlandy

2021 jyldyń 23 qarasha 2021 10:05

NUR-SULTAN. QazAqparat – Elordadaǵy saýda ortalyqtarynyń birinen quny 2,5 mln teńge bolatyn saǵat urlaǵan kúdik ustaldy, dep habarlaıdy QazAqparat tilshisi.

Nur-Sultan qalalyq Polıtsııa departamentiniń málimetishe, elorda turǵyny Seıfýllın kóshesi boıyndaǵy saýda úıinde ornalasqan dúńgirshekten belgisiz adamnyń qymbat saǵat urlap ketkeni týraly shaǵym túsirgen. Tekserý barysynda zardap shegýshiniń quny 2,5 mln teńge bolatyn 585 synamaly Cartier markaly altyn saǵatty satýǵa jarnama jasaǵany anyqtalǵan.

«Atalǵan taýarǵa er adam qyzyǵýshylyq tanytyp, telefon arqyly hat almasý barysynda saýda úıinde kezdesip, saǵatty kórmek bolady. Túski as ýaqytynda dúńgirshekke kelgen er adam saǵatty muqııat qaraý úshin úlkeıtkish áınek suraıdy. Dál osy sátte dúńgirshekke bir áıel kirip, saqına tańdaı bastaıdy. Satýshy klıentpen alań bolyp jatqan sátte er adam altyn saǵatty alyp qashyp ketken», - dedi departamentten.

Osydan keıin kúdikti ustaý is-sharalary birden qabyldanyp, kóp uzamaı qolǵa tústi.

«Ol 22 jastaǵy qala turǵyny bolyp shyqty. Kúdikti altyn saǵatty 280 myń teńgege lombardqa ótkizip úlgergen. Atalǵan fakti boıynsha QR QK 191-babymen sotqa deıingi tergeý júrgizilip jatyr. Ustalǵan jigit kinásin moıyndady. Zattaı aıǵaq tárkilendi. Kúdikti ýaqytqa oqshaýlaǵyshqa qamaldy», - delingen vedomstvo aqparatynda.



Joǵary qaraı