Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sońǵy aıda koronavırýspen syrqattaný deńgeıi 2,4 ese azaıdy - Alekseı Tsoı

2021 jyldyń 23 qarasha 2021 09:47

NUR-SULTAN. QazAqparat – Sońǵy bir aıda eldegi koronavırýspen syrqattaný kórsetkishi 2,4 ese azaıǵan. Degenmen, eki oblys áli «qyzyl» aımaqta qalyp otyr, dep habarlaıdy QazAqparat tilshisi.

Úkimet otyrysynda QR Densaýlyq saqtaý mınıstri Alekseı Tsoı osyndaı málimet berdi.

«Álemde KVI-diń 258 mılııonan astam jaǵdaıy tirkeldi. Táýligine 400 myńnan astam jaǵdaı tirkelip otyr. Bes mıllıonnan astam adam osy vırýstan kóz jumdy

Dúnıejúzilik densaýlyq saqtaý uıymynyń Eýropa aımaǵynda aýrýdyń ósýi jalǵasýda. Qazaqstan Respýblıkasy jáne qalǵan 10 óńir «jasyl» aımaqta ornalasqan. 4 óńir – sary aımaqta (Qaraǵandy, Qostanaı, Aqmola jáne Nur-Sultan qalasy).

Qyzyl aımaqta 2 óńir (Pavlodar jáne Soltústik Qazaqstan oblystary) qalyp otyr», - dedi vedomstvo basshysy.

Mınıstrdiń málimeti boıynsha, elimizde koronavırýstyń reprodýktıvtilik sany 0,93 deńgeıinde saqtalyp otyr.

«Jalpy, Qazaqstanda sońǵy aıda syrqattaný 2,4 ese – aıyna 1866-dan 773 jaǵdaıǵa deıin, statsıonarlardaǵy naýqastar 1,4 ese – aıyna 8750-den 6281 jaǵdaıǵa deıin, ambýlatorııalyq naýqastar 1,8 ese – aıyna 42 119-dan 23 188 jaǵdaıǵa deıin azaıdy.

Infektsııalyq tósekterdiń júktelimi – 30%, reanımatsııalyq tósekterdiń júktelimi – 25%», - dedi Alekseı Tsoı.


Joǵary qaraı