Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimet basshysy: Revaktsınatsııaǵa ekpe qory jetkilikti

2021 jyldyń 23 qarasha 2021 09:29

NUR-SULTAN. QazAqparat – QR Premer-Mınıstri Asqar Mamın Úkimet otyrysynda koronavıýrsqa qarsy qaıta vaktsınalaý sharalary boıynsha tapsyrmalar berdi, dep habarlaıdy QazAqparat tilshisi.

«Korornavırýs ınfektsııasynan qorǵanýdyń mańyzdy tásili vaktsınalaý. Sondyqtan onyń qarqynyn odan ári ulǵaıtý kerek. Búginde birinshi komponentti 8,7 mln adam saldyrdy. Bul – 18 jastan asqan turǵyndardyń 76 paıyzy. Ekinshi komponentti shamamen segiz mıllıon adam aldy. Bul vaktsına alýǵa jatatyn halyqtyń 70 paıyzyna jýyq», - dedi Úkimet basshysy.

Onyń aıtýynsha, tumaýǵa qarsy vaktsınalaý deńgeıi qajetti kontıngenttiń 99 paıyzynan asqan.

«Keshe óńirlerdiń bárinde koronavırýs boıynsha qaıta vaktsınatsııalaý bastaldy. Ol úshin vaktsına qory jetkilikti. Vaktsınalardy saqtaý men tasymaldaý rejımin saqtaý asa mańyzdy. Ákimderge atalǵan máselelerdi jeke baqylaýda ustaýdy tapsyramyn. Eraly Luqpanuly (QR Úkimet basshysynyń orynbasary – Eraly Toqjanov – avt.) jalpy baqylaý ózińizde», - dedi Asqar Mamın oǵan qarata aıtqan sózinde.

Sondaı-aq jıynda Úkimet basshysy shekara mańyndaǵy óńirlerde epıdemıologııalyq ahýaldy turaqty baqylaýda ustaýdy tapsyrdy.

Eske salsaq, 22 qarashadan bastap Qazaqstanda halyqty revaktsınalaý bastaldy.



Joǵary qaraı