Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ultymyzdyń deni saý bolýy úshin jastardyń da ýaqtyly ekpe alýy mańyzdy – stýdent

2021 jyldyń 23 qarasha 2021 07:36

ORAL. QazAqparat – Ultymyzdyń deni saý bolýy úshin eresek adamdarmen qatar jastardyń da ýaqtyly ekpe alýy mańyzdy. Bul týraly «Maqsat» medıtsına kolledjiniń tórtinshi kýrs stýdenti Asylan Musaǵalıev málim etti, dep habarlaıdy QazAqparat tilshisi.

Onyń aıtýynsha, ózi «Spýtnık V» vaktsınasynyń eki komponentin osy oqý jyly bastalmastan buryn alǵan.

Ótken senbi kúni «Maqsat» medıtsına kolledjiniń birinshi kýrs stýdentteri №6 qalalyq emhanaǵa kelip, Pfizer vaktsınasymen alǵashqylardyń qatarynda egildi. Al dúısenbi kúni revaktsınatsııadan birinshi bolyp medıtsına, bilim berý, quqyq qorǵaý salasynyń ókilderi, áleýmettik-medıtsınalyq uıymdardyń qyzmetkerleri men kontıngenti óte bastady.

«Men ózim 18 jastamyn. Bolashaq medıtsına qyzmetkeri retinde ekpe alýdyń mańyzdylyǵyn jaqsy túsinemin. Búkil álem vaktsına qabyldap jatqan qazirgi kezeńde budan qazaqstandyqtar da qalys qalmaýy kerek. Sonda ǵana ujymdyq ımmýnıtet qalyptastyra alamyz. Mysaly, Pfizer vaktsınasy jasóspirimder, júkti jáne bala emizetin áıelder úshin tıimdi dep esepteımin. Kúni búgin stomatologııa mamandyǵyna oqyp jatyrmyn. Sońǵy kýrstamyn. «Maqsat» medıtsına kolledjin bitirgennen keıin bilim alýdy jalǵastyryp, bilikti maman bolǵym keledi», dedi QazAqparat tilshisine A.Musaǵalıev.

Eske sala keteıik, budan buryn ınfektsıonıstiń koronavırýs indetin tek vaktsınatsııalaý jolymen ǵana jeńýge bolatynyn aıtqanyn jazǵan bolatynbyz.




Joǵary qaraı