Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

EKPA tóraǵasynyń Qazaqstanǵa saparynyń qorytyndysy boıynsha birlesken málimdeme qabyldandy

2021 jyldyń 19 qarasha 2021 10:50

NUR-SULTAN. QazAqparat - Eýropa Keńesi Parlamenttik Assambleıasynyń tóraǵasy Rık Demstiń Qazaqstanǵa saparynyń qorytyndysy boıynsha birlesken málimdeme qabyldandy, dep habarlaıdy QazAqparat.

15-19 qarasha aralyǵynda Eýropa Keńesi Parlamenttik Assambleıasynyń Tóraǵasy Rık Demstiń Qazaqstanǵa resmı sapary boldy.

Ol sapar aıasynda Prezıdent Qasym-Jomart Toqaevpen, Parlamenttiń eki palatasynyń tóraǵalarymen, ortalyq memlekettik organdardyń basshylarymen, sondaı-aq adam quqyqtaryn qorǵaý jáne zań ústemdigi salasynda jumys isteıtin azamattyq qoǵamnyń aýqymdy ókilderimen kezdesýler ótkizdi.

Eýropalyq parlamentshi Qazaqstanda bolý barysynda elimizde júrgizilip jatqan qaıta qurýlarmen jan-jaqty tanysyp, olarǵa joǵary baǵa berdi.

Sapar qorytyndysy boıynsha birlesken málimdeme qabyldandy, onyń mátini tómende berilip otyr:

Eýropa Keńesi Parlamenttik Assambleıasynyń Tóraǵasy Rık Demstiń jáne EKPA-daǵy Qazaqstan Parlamenti delegatsııasynyń basshysy Asqar Shákirovtiń birlesken málimdemesi

Qazaqstan Respýblıkasy Táýelsizdiginiń 30 jyldyǵyna oraı el halqyna quttyqtaýymyzdy bildiremiz jáne onyń damyǵan demokratııalyq memleket bolyp qalyptasý nıetin qoldaımyz.

Prezıdent Qasym-Jomart Toqaevtyń eldiń turaqty jáne ornyqty damýyn odan ári nyǵaıtý maqsatynda júrgizip otyrǵan demokratııalyq reformalaryn quptaımyz.

Qazaqstannyń ólim jazasyn alyp tastaǵanyn, azamattyq jáne saıası quqyqtar týraly halyqaralyq konventsııaǵa Fakýltatıvtik ekinshi hattamaǵa jáne basqa da mańyzdy halyqaralyq-quqyqtyq quraldarǵa qosylǵanyn atap ótemiz.

Quqyq ústemdigin ilgeriletýdiń mańyzyn uǵyna otyryp, Qazaqstannyń Eýropa Keńesiniń birqatar konventsııalaryna, onyń ishinde qylmystyq salaǵa qosylýyna arnalǵan kúsh-jigerin qoldaımyz.

Parlamentaralyq dıplomatııanyń joǵary tıimdiligin atap óte otyryp, QR Parlamenti men EKPA depýtattary arasynda ózara tıimdi yntymaqtastyqty arttyrýǵa, baılanystardy keńeıtýge jáne senimdi dıalogty tereńdetýge múddeli ekenimizdi bildiremiz.

Osy turǵyda qazaqstandyq taraptyń Áıelderge qatysty zorlyq-zombylyqtyń jáne úıdegi zábirleýdiń aldyn alý jáne oǵan qarsy kúres týraly konventsııaǵa qosylý, sondaı-aq EKPA-ǵa qolaıly sıpatta qatysý múmkindigin qaraýǵa ázirligin quptaımyz.


Joǵary qaraı