Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

19 qarashada Aıdyń 500 jyldaǵy eń uzaq tutylýy bolady

2021 jyldyń 18 qarasha 2021 21:37

NUR-SULTAN. QazAqparat – 19 qarashada Aıdyń osy jyldaǵy sońǵy tutylýy bolady, dep habarlaıdy QazAqparat tilshisi.

www.gismeteo.kz málimetinshe, bul jolǵy erekshelik – Aıdyń jartylaı tutylý ýaqyty eń uzaqqa sozylady. Bul jaǵdaı sońǵy 500 jyldan astam ýaqytta qaıtalanyp otyr. Jartylaı tutylý fazasy 3 saǵat 28 mınýt 24 sekýndqa, tolyq tutylý 6 saǵat 1 mınýtqa sozylady. Sonymen qatar, Aı tolady.

Astrologtardyń boljamynsha, Aıdyń tolýy men tutylýynyń sáıkes kelýi adamdardyń ómirine ózgeris ákeledi, birqalypty ómir aǵynynan shyǵýǵa jáne umytylǵan eski máselelerdi jandandyrýǵa yqpal etedi.

19 jáne 20 qarashada mynalardy istemegen durys - saparǵa shyǵý, jumystaǵy mártebeńizdi ózgertý, jalaqyny kóterýdi talqylaý, mańyzdy sheshimder qabyldaý jáne uzaq josparlar qurý, operatsııa jasatý, kóp aqsha jumsaý.

Aıta keteıik, qazaqstandyqtar Aı tutylýyn kóre almaıdy. Bul astronomııalyq qubylysqa Amerıka, Soltústik Eýropa, Shyǵys Azııa jáne Aýstralııa turǵyndary kýá bola alady.


Avtory: Sara Qabıqyzy


Basty sózder: Qoǵam, Ǵarysh,
Joǵary qaraı