Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Maksım Spotkaı: Prezıdent bastamalardyń jańa blogyn jarııalady

2021 jyldyń 16 qarasha 2021 19:09

NUR-SULTAN. QazAqparat – Ulttyq qoǵamdyq senim keńesiniń múshesi Maksım Spotkaı Keńestiń altynshy otyrysynda kóterilgen negizgi máseleler týraly pikir bildirdi, dep habarlaıdy QazAqparat tilshisi.

«Ulttyq keńes aıasynda kóptegen bastamalar júzege asyryldy. Bul týraly búgin Memleket basshysy da aıtty. Ulttyq keńes alańy elimizdiń qoǵamdyq-saıası keńistiginde asa mańyzdy oryn alady. Bul – Memleket basshysy jarııalaǵan «Halyq únine qulaq asatyn memleket» tujyrymdamasynyń basty elementteriniń biri. Bul – bılik pen qoǵam arasyndaǵy jalpyulttyq dıalog qalyptastyrýdyń tıimdi tetikteriniń biri. Memleket basshysy bul alańǵa úlken kóńil bóledi. Óıtkeni keńestiń otyrysyna ózi tikeleı tóraǵalyq etip keledi. Ulttyq qoǵamdyq senim keńesiniń múshelerimen tikeleı baılanysa otyryp, olardyń pikirlerin tyńdap, memlekettik organdardyń pysyqtaýyna jiberedi. Búgin Prezıdent Qazaqstanda iske asyrylyp jatqan barlyq reformalar naqty nátıjege qol jetkizýi tıis ekenin atap ótti», - dedi Ulttyq keńes múshesi.

Onyń aıtýynsha, Memleket basshysy Ulttyq keńes arqyly bastamalardyń jańa blogyn jarııalady.

«Olardyń kóbi aımaqtardy damytýmen, azamattardy áleýmettik qoldaýmen baılanysty. Atap aıtqanda, aýyl ákimderin saılaýdyń jańa tetikteri usynyldy. Aýyl ákimdigine kandıdattarǵa qoıylatyn joǵary bilim týraly talapty qaıta qaraý usynyldy. Bilim beretin mekemelerde oqýshylar men muǵalimderdiń qaýipsizdigin qamtamasyz etýge arnalǵan sharalardyń blogy sóz boldy. Sonymen qatar, memlekettik bilim granttaryn bólýdiń jańa júıesi týraly máseleni qaraý usynyldy. Bul joǵary oqý oryndary arasyndaǵy básekelestikti arttyrýǵa tıis. Tsıfrlandyrýmen baılanysty máselelerde aıtyldy. Memleket basshysy bul negizgi basymdyqtardyń biri ekenin atady. Júıeli tsıfrlandyrý halyqtyń ómir súrý sapasyn jáne memlekettik qyzmetterdi usyný jedeldigin aıtarlyqtaı jaqsartýǵa múmkindik beredi», - dedi Maksım Spotkaı.


Joǵary qaraı