Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jyldyq ınflıatsııa sońǵy 6 aıda alǵash ret ósýdi toqtatty – Ulttyq bank

2021 jyldyń 12 qarasha 2021 12:57

NUR-SULTAN. QazAqparat – Qyrkúıek aıynda Ulttyq bank Úkimetpen birlesip Inflıatsııaǵa qarsy den qoıý sharalaryn qabyldady. Onyń nátıjesi týraly QR Ulttyq bankiniń tóraǵasy Erbolat Dosaev aıtyp berdi, dep habarlaıdy QazAqparat.

«Syrtqy teris ınflıatsııalyq fon jekelegen taýar naryqtaryndaǵy ishki dısbalanstarmen jáne ekonomıkanyń qalpyna kelýine qaraı kiristerdiń ósýimen birge kúrdelene túsedi, olardy retteý úshin qyrkúıekte Úkimetpen birlesip qabyldanǵan Inflıatsııaǵa qarsy den qoıý sharalary aıasynda shuǵyl qadamdar qabyldanýda. Birlesken kúsh-jiger arqasynda alǵashqy nátıjege jete bastadyq, atap aıtqanda, azyq-túlik baǵasy 11,5%-ten 11,3%-ke deıin baıaýlap, jyldyq ınflıatsııa sońǵy 6 aıda alǵash ret ósýdi toqtatty», - dedi Ulttyq bank tóraǵasy Qazaqstan qarjygerleriniń IX kongresinde.

Onyń aıtýynsha, qazan aıynda jyldyq ınflıatsııa qarqyndaǵan óńirler sany 13-ten 7-ge deıin tómendedi.

«Jalpy alǵanda, Qazaqstan ekonomıkasynda áli de turaqty joǵary ınflıatsııalyq fon saqtalýda. Azyq-túlik taýarlary baǵasynyń aıtarlyqtaı ósýin qazanda 10,3%-ke jetken halyqtyń joǵary ınflıatsııalyq boljamdar qoldap otyr. Jaz aılarynda ınflıatsııanyń aıtarlyqtaı óskenin eskersek, bıylǵy shildeden bastap Ulttyq Bank bazalyq stavkany 9%-ten 9,75%-ke deıin 75 bazıstik tarmaqqa úsh ret kóterip, dezınflıatsııalyq aqsha-kredıt saıasatyn júrgize bastady.

Bizdiń pikirimizshe, Inflıatsııaǵa qarsy den qoıý sharalary aıasynda taýar naryqtaryndaǵy teńgerimsizdikti joıý úshin júıeli jáne aldyn alý sharalaryn qabyldaý 2022 jyldyń ekinshi jartysynda ınflıatsııany 4-6% nysanaly dálizdiń joǵarǵy sheginde ustaýǵa múmkindik beredi. Syrtqy ınflıatsııalyq qysymnyń álsireýi, azyq-túliktiń álemdik baǵasynyń birtindep tómendeýi jáne álemdegi jetkizý qatarynyń qalpyna kelýi aıasynda ınflıatsııa baıaýlaıdy dep kútemiz», - dedi E. Dosaev.


Joǵary qaraı