Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵylymı uıymdardy qarjylandyrýdyń tártibi ózgeredi

2021 jyldyń 9 qarasha 2021 18:08

NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova ǵylym salasyn qarjylandyrýdaǵy zańnamalyq ózgerister týraly depýtat saýalyna jaýap berdi, dep habarlaıdy QazAqparat tilshisi.

Májilis depýtattary joldaǵan saýalǵa bergen jaýabynda mınıstrlik ókili Prezıdent Joldaýyn iske asyrý jónindegi jalpyulttyq is-sharalar josparynyń aıasynda Ǵylym týraly zańnamaǵa túzetýler engizilip jatqanyn aıtady.

Naqty aıtsaq, jetekshi ǵalymdardyń eńbegine aqy tóleý bazalyq qarjylandyrý shyǵystarynyń tizbesine enip otyr. Sondaı-aq, irgeli ǵylymı zertteýlermen aınalysatyn ǵylymı uıymdar úshin ǵylymdy qarjylandyrýdyń jańa túrin engizý kózdelgen. Al ǵylymı jáne ǵylymı-tehnıkalyq jobalar men baǵdarlamalardy qarjylandyrý merzimi bes jylǵa deıin uzartylýy múmkin.

Mınıstr orynbasarynyń sózine qaraǵanda, ǵylymǵa bólinetin qarjynyń kólemi men baǵyttaryn aıqyndaıtyn Ulttyq ǵylymı keńestiń sheshimderi zertteýshiler tarapynan kúmán týǵyzsa, apalletsııalyq komıssııaǵa shaǵym bere alady. Ol komıssııanyń quramyna jetekshi ǵalymdar, sarapshylar men memlekettik organdardyń ókilderin qosý josparlanyp otyr.


Joǵary qaraı