Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

AQSh-ta mýzykalyq festıvalde 300-ge jýyq adam taptalyp, 8-i qaza tapty

2021 jyldyń 6 qarasha 2021 18:54

HЬıÝSTON. QazAqparat – Amerıkanyń Hıýston qalasynda (Tehas shtaty) Astroworld mýzykalyq festıvalinde 300-ge jýyq adam taptalyp qalǵan, segizi qaza tapty. Bul týraly QazAqparat VVS-ge silteme jasap habarlaıdy.

Oqıǵa festıvaldiń alǵashqy kúni – juma, jergilikti ýaqytpen saǵat 21:15-te reper Trevıs Skott óner kórsetip jatqanda boldy.

Skott óner kórsetip jatqanda kórermender sahnaǵa qaraı jyljı bastaǵan. Saldarynan adamdar keptelip, dúrbeleń bastalǵan.

17 adam aýrýhanaǵa jetkizildi, olardyń 11-inde júrektiń toqtaýy boldy. Keıinirek 8 adamnyń kóz jumǵany anyqtaldy. 300 adam túrli jaraqat alǵan.

Houston Chronicle gazetiniń jazýynsha, Trevıs Skott kontsertti birneshe ret toqtatyp, kúzetshilerden sahna mańyndaǵy kórermenderdiń amandyǵyna kóz jetkizýlerin suraǵan.

Kontsertte barlyǵy 50 myń kórermen bolǵan. Uıymdastyrýshylar jeksenbige josparlanǵan kontsertti ótkizbeıtin boldy.


Basty sózder: AQSh, Amerıka, Qoǵam, Oqıǵa, Álem,
Joǵary qaraı