Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

3 mlrd teńgeni ıemdengen: «Indıgo 24» qarjy pıramıdasynyń isin tergeý aıaqtaldy

2021 jyldyń 2 qarasha 2021 11:40

TÚRKІSTAN. QazAqparat - Túrkistan oblysynda «Indıgo 24»-«Evolution Corporation» qarjy pıramıdasynyń uıymdastyrýshylary men qatysýshylaryna qatysty 950 tomdyq qylmystyq is aıyptaý aktisimen birge sotqa joldandy. QazAqparat bul týraly óńirdiń Polıtsııa departamentinen málim etti.

2020 jyldyń jazynan bastap respýblıkanyń ishki ister organdaryna «Indıgo 24» qarjy pıramıdasynyń qurbany bolǵan azamattardan aryzdar túse bastaǵan bolatyn. Olar negizinen Túrkistan, Mańǵystaý oblystary men Shymkent jáne Nur-Sultan qalalarynyń turǵyndary. Jábirlenýshiler sany 2 myńnan astam azamatty qurady.

«Azamattardyń aryzdary QR QK-niń 190-baby «Alaıaqtyq« jáne 217-baby «Qarjy pıramıdasyn qurý jáne oǵan basshylyq etý« boıynsha sotqa deıingi tergep-tekserýdiń biryńǵaı tizilimine tirkeldi. Qylmystyq is aıasynda qarjy pıramıdasyn qurýǵa jáne ony basqarýǵa qatysy bar degen kúdikpen polıtsııa qyzmetkerleri 25 adamdy anyqtap, ustady. Olar: Almaty, Nur-Sultan, Shymkent qalalary sekildi úsh megapolıstiń jáne Túrkistan oblysynyń turǵyndary. Taǵy 1 kúdiktige izdeý jarııalandy. Olardan kompıýterlik tehnıka, jyljymaly jáne jyljymaıtyn múlikter tárkilendi», - delingen PD aqparatynda.

Jasalǵan qylmystyń aýqymyn eskere otyryp, QR Іshki ister mınıstri Erlan Turǵymbaevtyń buıryǵymen Túrkistan oblysynyń Polıtsııa departamenti bazasynda elimizdiń 5 óńirinen 30 tergeýshi engen tergeý toby quryldy. Bul topty Túrkistan oblysynyń tájirıbeli tergeýshileriniń biri polıtsııa maıory Altynaı Jolymbekova basqardy. Aıta ketsek, ol tergeý tobyndaǵy – jalǵyz áıel. Tergeýge 7 arnaıy prokýror da qatysty. Olardyń jumysyna jedel ýákildermen birge sarapshylar jáne aýdarmashylar tartyldy.

Sotqa deıingi tergep-tekserýdiń merzimi 1 jyldan astam ýaqytqa jalǵasty.

Anyqtalǵandaı, qylmystyq top 2018 jyldyń aqpany men 2020 jyldyń tamyz aıy aralyǵynda salymshylarǵa kepildi júz paıyz paıda ákelýge ýáde etip, sengish azamattardan 3 mlrd teńgeden astam qarajatty ıemdengen. in anyqtady. Kúdiktiler alaıaqtyq jolmen túsken aqshany ózara bólisip otyrǵan. Azamattardyń basym bóligi qarjy pıramıdasyna kirý úshin ózderiniń úılerin kepilge qoıyp, nesıe alǵan.

«Sotqa deıingi tergeý barysynda tergeýshiler qylmystyq toptyń uıymdasqan sıpatta bolǵanyn, josparlanǵan túrde áreket etkenin jáne ár qatysýshynyń rólderi naqty bólingenin dáleldeı aldy.

Nátıjesinde polıtseıler men prokýrorlar aıyptaý aktisimen 160 myńnan astam betten turatyn kóptomdyq qylmystyq isti sotqa joldady. Kúdiktilerge QR QK-niń 190-baby «Alaıaqtyq«, 217-baby «Qarjy pıramıdasyn qurý jáne oǵan basshylyq etý« jáne 262-baby «Uıymdasqan qylmystyq topty qurý jáne oǵan basshylyq etý« boıynsha aıyp taǵyldy», - dedi Túrkistan oblystyń Polıtsııa departamentiniń baspasóz qyzmetinen.


Joǵary qaraı