Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almasadam Sátqalıev: Mańǵystaý oblysy – ınvestıtsııa quıý isinde basymdyqqa ıe óńir

2021 jyldyń 24 qyrkúıek 2021 11:53

NUR-SULTAN. QazAqparat - Prezıdent Qasym-Jomart Toqaevtyń Mańǵystaý oblysyna jumys sapary sheńberinde óńirdiń áleýmettik-ekonomıkalyq damýyna arnalǵan keńes ótip, onda «Samuryq-Qazyna» AQ basqarma Tóraǵasy Almasadam Sátqalıev baıandama jasady.

Óz sózinde Qor basshysy «Samuryq-Qazyna» toby úshin Mańǵystaý óńiriniń orny erekshe ekenin atap kórsetti. Oblystaǵy 40 kásiporyn Qordyń enshiles kompanııalary. Quıylǵan ınvestıtsııalardyń jalpy somasy 790 mlrd teńgeden asyp jyǵylady.

Qazirgi tańda Qor bul óńirde iri ınvestıtsııalyq jobalardy iske asyryp jatyr:

• Qarajanbas kenornynda sýdy tuylaý qondyrǵysynyń qurylysy.

• Jańaózen qalasynda gaz óńdeý zaýytynyń qurylysy.

• Beıneý-Jańaózen gaz qubyryn kúrdeli jóndeýden ótkizý.

•Quryq portynda parom kesheniniń qurylysyn aıaqtaý.

2021-2024 j.j. Qor tobymen jalpy quny 674 mlrd teńgeden asatyn jańa ınvestıtsııalyq jobalardy júzege asyrylmaq.

Qor bul óńirde qaıyrymdylyq sharalaryn jıi ótkizedi. Sońǵy jyldary densaýlyq saqtaý, bilim berý jáne sportty damytý salalarynda jalpy quny 1 mıllıard teńgeden asatyn 16 joba iske qosyldy. Bıyl Jańaózen qalasynda 10 mlrd teńgege baǵalanatyn zamanaýı medıtsına ortalyǵynyń qurylysy aıaqtalady.

Sporttyq jáne balalar oıyn alańdary ashyldy. Mektep avtobýstary men jedel járdem kólikteri satyp alyndy, munaıgaz salasynyń ardagerlerine únemi kómek kórsetiledi. Jyl sońyna deıin Jańaózen qalasynda sport kesheni jabdyqtalyp, Aqtaý qalasynda ońaltý ortalyǵy esigin aıqara ashady.

Áleýmettik turaqtylyq máselelerine de erekshe kóńil bólinýde.

«QazMunaıGaz» kompanııasy jáne vedomstvoaralyq komıssııamen eńbek daýlaryn sheshý jolynda belsendi jumys atqarylyp keledi:

• Qor janynan áleýmettik turaqtylyqtyń jedel shtaby quryldy;

• merdiger kompanııalarmen kelissózder júrgizildi;

•qyzmet kórsetý qunyn eńbekaqyny tómendetý esebinen azaıtýǵa jol bermeıtin tıimdi birlesken mehanızmder ázirlendi;

• Qordyń satyp alýlar júıesine ózgerister engizildi.





Basty sózder: Samuryq-Qazyna UÁQ,
Joǵary qaraı