Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«7-20-25» baǵdarlamasy qashan aıaqtalady

2021 jyldyń 8 qyrkúıek 2021 10:36

NUR-SULTAN. QazAqparat – «7-20-25» baǵdarlamasyna bıýdjetten bólingen 1 trln teńgeniń 36,2%-y ıgerilgen. Bul týraly QR Ulttyq bankiniń baspasóz qyzmeti «QazAqparat» halyqaralyq aqparat agenttiginiń saýalyna mamandary bergen jaýabynda aıtty.

«7–20–25» baǵdarlamasy boıynsha kredıtteýdiń ındıkatıvtik kólemi 1 trln teńge mólsherinde aıqyndaldy. Baǵdarlama nesıege bólingen qarjy tolyq ıgerilgenshe jalǵasady. Baǵdarlama iske qosylǵannan beri 367 mlrd teńgeniń nesıesi berildi. Sonyń arqasynda 30 myńnan astam otbasy jeke baspanaǵa ıe boldy. Osylaısha, búgingi tańda baǵdarlamanyń nysanaly kórsetkishiniń 36,2%-y ıgerildi», - dep jazylǵan jaýapta.

Banktiń bapasóz qyzmetiniń málimeti boıynsha, 2018 jyldan bastap 2021 jyldyń shildesine deıin jeke qurylys salýshylar 290 873 turǵyn úı salǵan. Sonyń tek 10,3%-y «7–20–25» baǵdarlamasy boıynsha satyp alynǵan.

«Salynǵan turǵyn úıdiń shamamen 80%-yn halyq qurylys kezeńinde satyp alatynyn, sondaı-aq turǵyn úıdi naryqta ótkizýdiń jalpy kólemindegi baǵdarlamanyń úles salmaǵyn eskersek, nysanaly kórsetkishke qol jetkizý uzaq ýaqytty talap etedi», - dep jazady Ulttyq bank mamandary.

Aıta ketsek, Ulttyq bank «7-20-25» boıynsha beriletin nesıeniń shegi kóterilmeıtinin málim etti.


Avtor Esimjan Naqtybaı
Basty sózder: Ipoteka, Nesıe, Turǵyn úı,
Joǵary qaraı