Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

2022 jyly ekonomıkanyń naqty sektoryn qoldaýǵa 2 trln teńge baǵyttalady

2021 jyldyń 24 tamyz 2021 10:56

NUR-SULTAN. QazAqparat – Qazirgi ýaqytta memlekettik baǵdarlamalardy ulttyq jobalarǵa transformatsııalaý boıynsha jumystar júrgizilip jatyr. Bul týraly Úkimet otyrysynda QR Qarjy mınıstri Erulan Jamaýbaev málim etti, dep habarlaıdy QazAqparat tilshisi.

«Ekonomıkanyń naqty sektoryn damytýdy qoldaýǵa 2022 jylǵa 2 trln teńge kózdeldi. Osy qarajat aıasynda «Nurly jol», «Nurly jer», agroónerkásiptik keshendi damytý, «Bıznestiń jol kartasy – 2025», ındýstrııalyq-ınnovatsııalyq damý memlekettik baǵdarlamalary men basqa da baǵdarlamalardy iske asyrý jalǵasatyn bolady. Memleket basshysynyń tapsyrmasyna sáıkes jáne Memlekettik josparlaý júıesindegi ózgeristerdi, sondaı-aq Jalpyulttyq basymdyqtardy eskere otyryp, qazirgi ýaqytta memlekettik baǵdarlamalardy ulttyq jobalarǵa transformatsııalaý boıynsha jumystar júrgizilýde», - dedi E. Jamaýbaev.

Onyń aıtýynsha, 2022 jyly óńirlerge respýblıkalyq bıýdjet qarajaty esebinen 4,5 trln teńge bólinedi, bul jalpy bıýdjet shyǵysynyń 28,3 paıyzy. Onyń ishinde aǵymdaǵy nysanaly transfertteri túrinde 1,8 trln teńge, damý transfertteri túrinde 630 mlrd teńge kózdelgen.

«2022 - 2024 jyldarǵa arnalǵan respýblıkalyq bıýdjet jobasynyń negizgi baǵyttary osyndaı. Premer-mınıstr Keńsesimen birlese otyryp, Zań jobasy Májilistiń qaraýyna engizýge daıyndalady», - dedi mınıstr.

Budan buryn habarlanǵandaı, 2022 jyly túsimder bıyldyń josparymen salystyrǵanda 431 mlrd teńgege ulǵaıa otyryp, 13 trln teńge deńgeıinde boljandy. 2022 jyly áleýmettik salaǵa baǵyttalǵan qarajat somasy ósedi.


Joǵary qaraı