Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senatorlar halyqaralyq sharttarǵa ózgerister engizetin zań jobasyn maquldady

2021 jyldyń 25 aqpan 2021 11:09

NUR-SULTAN. QazAqparat – Parlament Senatynda Qazaqstannyń halyqaralyq sharttary týraly zańyna ózgerister men tolyqtyrý engizýdi kózdeıtin zań jobasy maquldandy, dep habarlaıdy QazAqparat tilshisi.

Premer-Mınıstriniń orynbasary – Syrtqy ister mınıstri Muhtar Tileýberdiniń aıtýynsha zań jobasy beıindi zańǵa birqatar normanyń engizýdi kózdeıdi.

«Birinshiden, halyqaralyq sharttar mártebesiniń ózgerýi týraly jurtshylyqty habardar etý. Odan bólek sharttardy toqtatý tásilin keńeıtip, zańdaǵy olqylyqtardy joıýdy qamtamasyz etý kózdeledi», - dedi ol.

Sonymen qatar, zań jobasymen kontráriptester óziniń mindettemelerin oryndamaǵan jaǵdaıda sharttardyń oryndaýyn toqtata turý túrindegi Qazaqstan Respýblıkasy jaýap sharalardy qoldaý múmkindigin kózdeıtin normalardy engizýi usynylady.

Óz kezeginde Senat tóraǵasy Máýlen Áshimbaev aldaǵy ýaqytta bul zań elimizdiń ulttyq múddelerin qorǵaýdy kúsheıtýge óz úlesin qosatynyna senim bildirdi.

«Búgin qabyldanǵan zań halyqaralyq deńgeıde ulttyq múddelerimizdi qorǵaýǵa qosymsha múmkindikter beredi. Budan bylaı, halyqaralyq kelisimniń ekinshi taraby óz mindettemelerin oryndamaǵan jaǵdaıda Qazaqstan tarapynan jaýap sharalaryn qabyldaýǵa jol ashylady. Osy maqsatpen qujatta halyqaralyq sharttardyń nemese olardyń jekelegen erejeleriniń oryndalýyn toqtata turý týraly normalar qarastyrylǵan», – dedi Máýlen Áshimbaev.


Avtor Aıan Bekenuly
Basty sózder: Senat, Parlament,
Joǵary qaraı