Almatyda 21 jastaǵy jigit kvadrotsıklden qulap kóz jumdy
ALMATY. QazAqparat - Almatyda kvadrotsıklmen serýendegen jigit mert boldy, dep habarlaıdy QazAqparat tilshisi.
Almaty qutqarý qyzmetiniń habarlaýynsha, 21 jastaǵy týrıst Býtakovka shatqalynda kvadrotsıklmen serýendep júrgende abaısyzda quzdan qulaǵan.
5 adamnan turatyn qutqarý ekıpajy jigittiń denesin 2 kılometr tómen taýdyń eteginen taýyp aldy.
Ókinishke qaraı, týrıst sol jerde jan tásilim etti.
Qutqarýshylar tómende kútip turǵan týystary men dárigerlerge marqumnyń denesin zembilmen túsirip berdi.
