1400 jolaýshysy bar 7 poıyz turyp qalǵan: Shymkentte qozǵalys qalpyna keltirildi

ShYMKENT. QazAqparat – Shymkent qalasynda vagondardyń aýdarylýynan 7 jolaýshy poıyzy 9 saǵatqa deıin jolda turyp qalǵan. Olarda 1400-ge jýyq adam bolǵan. QazAqparat bul týraly QR Tótenshe jaǵdaılar mınıstrliginiń resmı ókili Talǵat Ýálıge silteme jasap habarlaıdy.

Qazannyń 23-inen 24-ine qaraǵan túni Shymkentte 14 vagon joldan shyǵyp, aýdarylyp ketken bolatyn.

Saldarynan 7 jolaýshylar poıyzynyń qozǵalysy keshiktirildi, atap aıtqanda:

1. Shymkent stantsııasynda â„–34 «Aqtóbe – Almaty» jolaýshylar poıyzy 9 saǵatqa, â„–76 «Qyzylorda-Petropavl» poıyzy 7 saǵatqa keshikti.

2. Qorǵasyn stantsııasynda â„– 56 «Qyzylorda-Kókshetaý» jolaýshylar poıyzy 5 saǵatqa keshikti.

3. Qyzylsaı stantsııasynda â„–23 «Almaty-Aqtóbe» jolaýshylar poıyzy 8 saǵatqa keshikti.

4. Mankent-2 stantsııasynda â„–11 «Almaty – Shymkent» jolaýshylar poıyzy 5 saǵatqa, â„–85 «Nur-Sultan-Saryaǵash» poıyzy 1,5 saǵatqa keshikti.

5. Sastóbe stantsııasynda â„– 33 «Almaty-Aqtóbe» jolaýshylar poıyzy 1 saǵatqa keshikti.

«Qozǵalysy keshiktirilgen poıyzdarda 1 393 jolaýshy bolǵan. Sonymen qatar, jergilikti atqarýshy organdar Shymkent qalasyna jolaýshylardy tasymaldaý úshin 5 shaǵyn avtobýs pen 2 avtobýs uıymdastyrdy», - dedi T.Ýálı.

Málim etilgendeı, búgin saǵat 12.49-da atalmysh poıyzdar qozǵalysyn qaıta jalǵastyrdy.