Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantın talabyn buzǵan túngi klýb segiz ret jaýapkershilikke tartyldy

2020 jyldyń 29 qyrkúıek 2020 16:12

NUR-SULTAN. QazAqparat – Nur-Sultan qalasynyń bas sanıtarlyq dárigeri Janna Pralıeva qala turǵyndaryn koronavırýsqa qatysty talaptardy oryndaýǵa shaqyrdy, dep habarlaıdy QazAqparat tilshisi.

Onyń sózine qaraǵanda, qoǵamdyq tamaqtaný nysandarynyń, oıyn-saýyq mekemeleriniń ıeleri birneshe ret ákimshilik jaýapkershilikke tartylǵanyna qaramastan, shekteý jáne karantın sharalaryn saqtamaı, óz qyzmetin júzege asyrýdy jalǵastyrýda.

«Kásipkerlik sýbektileriniń arasynda karantın rejımin birneshe ret buzǵandar bar. Mysaly, Turan dańǵyly (Esil aýdany) boıynda ornalasqan jazǵy kafesi bar Auraclub Alanya túngi klýby shekteý jáne karantın sharalaryn buzǵany úshin segiz ret ákimshilik jaýapkershilikke tartyldy. Atap aıtqanda, belgilengen jumys rejımi men maska rejımi, áleýmettik qashyqtyq saqtalmaıdy, sondaı-aq tyıymǵa qaramastan túngi klýb pen karaoke-zaldary jumys istegen», - dedi J. Pralıeva baspasóz máslıhatynda.

Budan buryn habarlanǵandaı, Nur-Sultan qalasynyń bas sanıtarlyq dárigeri koronavırýsqa qatysty talaptar saqtalmasa, onda qatań karantın sharalary qaıta qabyldanýy múmkin ekendigin aıtty.


Joǵary qaraı