Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Emhanaǵa tirkelýdiń úsh tásili qandaı – maman jaýaby

2020 jyldyń 29 qyrkúıek 2020 15:23

NUR-SULTAN. QazAqparat – Áleýmettik medıtsınalyq saqtandyrý qorynyń Nur-Sultan qalasy boıynsha fılıaly dırektorynyń orynbasary Aınagúl Dáýletshına emhanaǵa tirkelýdiń úsh tásilin aıtyp berdi, dep habarlaıdy QazAqparat tilshisi.

«Birinshi tásil – emhananyń tirkeý bólimine baryp, tirkeý týraly ótinish jazý. Bul tásil jasy boıynsha zeınetke shyqqan zeınetkerlerge, múmkindigi shekteýli adamdarǵa, balalarǵa, onyń ishinde shet memleketterde týǵan balalarǵa, sábıler úılerinde turatyn balalarǵa, jetimderge, sottalǵandarǵa, kolonııalarda jazasyn óteýshilerge jáne medresede oqıtyndarǵa, merzimdi qyzmettegi áskerı qyzmetshilerge nemese senimhat boıynsha tirkelýdi resimdeýshilerge ǵana qoljetimdi. Ol úshin sizge jeke kýálik, tólqujat nemese turýǵa ruqsat qujaty qajet. Eger siz 18 jasqa deıingi balany emhanaǵa tirketkińiz kelse, balanyń jáne onyń zańdy ókiliniń - anasynyń, ákesiniń nemese qamqorshysynyń jeke basyn kýálandyratyn qujattaryn usyný qajet», - deıdi Aınagúl Dáýletshına.

Onyń aıtýynsha ekinshi tásil – halyqqa qyzmet kórsetý ortalyǵy (HQKO) arqyly emhanaǵa tirkeýge ótinim berý. Ol úshin ózińizben birge jeke kýálik, tólqujat nemese turýǵa ruqsat qujaty bolýy qajet. Ótinimniń óńdelý merzimi – bir jumys kúni.

«Úshinshi tásil – úıden shyqpaı emhanaǵa tirkelý. ıAǵnı, Sizge elektrondy úkimet portaly arqyly ótinim berý jetkilikti. Ol úshin aldymen saıttyń basty betindegi «Densaýlyq saqtaý» bólimin tańdańyz. Sodan keıin «Medıtsınalyq kómek» qosymsha betindegi «medıtsınalyq-sanıtarııalyq alǵashqy kómek kórsetetin medıtsınalyq uıymǵa tirkelý» qyzmetine basyńyz. «Qyzmetke onlaın tapsyrys berý» batyrmasyn basyńyz. Odan soń tirkelýge suranys jiberý úshin jasyl belgimen belgilengen barlyq tarmaqtardy toltyrý qajet. Suranysty sátti jibergennen keıin siz «suranym óńdelýde» mártebesin kóresiz. Tańdaǵan emhanańyzǵa tirkelý týraly jaýap Sizdiń jeke kabınetińizge bir jumys kúni ishinde keledi», - deıdi ol.



Joǵary qaraı