Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda ishimdik iship, kólik júrgizgen azamat 3 jylǵa sottaldy

2020 jyldyń 29 qyrkúıek 2020 01:55

TALDYQORǴAN. QazAqparat - Kólik basqarý quqyǵynan aıyrylǵan Almaty oblysynyń turǵyny masań kúıde jol-kólik oqıǵasyn jasaǵany úshin úsh jylǵa bas bostandyǵynan aıyryldy, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, tergeý barysynda sottalǵan azamattyń buǵan deıin 2017 jylǵy aqpan aıynda sot qaýlysyna sáıkes mas kúıinde kólik júrgizip, jol apatyn jasaǵany úshin kólik basqarý quqyǵynan bes jylǵa aırylǵany belgili boldy. Soǵan qaramastan ol 30 tamyz kúni Kóksý aýdanynda «Nissan Primera» markaly avtokólikti mas kúıinde basqaryp, Mersedes Benz kóligimen soqtyǵysyp, oqıǵa ornynan ketip qalǵan.

«Sot barysynda Kóksý aýdanynyń 29 jastaǵy turǵynynyń buǵan deıingi zańǵa qaıshy áreketinen ózine tıisti qorytyndy jasamaǵany, avtokólik basqarýǵa tyıym salynǵanyn anyq bile tura, qasaqana mas kúıinde kólik júrgizgeni aıtyldy. Іsti qaraǵan sýdıa quqyq buzýshynyń bireýdiń avtokóligine zaqym ákelgenin jáne jábirlenýshige materıaldyq shyǵyn keltirgenin eskere otyryp, ony 3 jylǵa bas bostandyǵynan jáne ómir boıy kólik basqarý quqyǵynan aıyrý týraly sheshim qabyldady»,- deıdi Kóksý aýdany polıtsııa bóliminiń bastyǵy, polıtsııa polkovnıgi Ramıl Gımadıev.

Aıyptalýshy sot zalynda qamaýǵa alynyp, aýdandyq polıtsııanyń ýaqytsha ustaý ızolıatoryna qamaldy. Sot sheshimi áli kúshine engen joq.

Óz kezeginde quqyq buzýshy kinásin tolyq moıyndap, ózge júrgizýshilerden onyń jibergen qateligin qaıtalamaýyn surady. Polıtsııa ókilderi taratqan aqparatqa sáıkes, bıylǵy 8 aıdyń ishinde 850 adam mas kúıde kólik tizgindegeni úshin jaýapkershilikke tartylǵan.


Avtor Samal Qabysheva
Basty sózder: Almaty oblysy, Oqıǵa, Zań, Kólik,
Joǵary qaraı