Aýa raıy
Astana -6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qordaıda vaktsına shyǵaratyn zaýyttyń qurylysy qalaı júrip jatyr

2020 jyldyń 29 qyrkúıek 2020 01:01

TARAZ. QazAqparat – Jambyl oblysynyń ákimi Berdibek Saparbaev Qordaı aýdanyna jumys sapary barysynda Qordaı aýdanynyń Gvardeı­skıı kentinde Bıologııalyq qaýipsiz­dik máseleleri ǵylymı-zertteý ınstıtý­tynyń janyndaǵy vaktsına shyǵaratyn bıofarmatsevtıkalyq zaýyttyń qurylys barysymen tanysty, dep habarlaıdy QazAqparat tilshisi.

Óńir basshysy Berdibek Saparbaev Gvardeısk áskerı qalashyǵy mańaıyndaǵy aýmaqta salynyp jatqan ımmýndyq-bıologııalyq preparattar óndiretin bıofarmatsevtıkalyq zaýyttyń qurylysymen tanysty.

Osyndaǵy atalǵan zaýyttyń mamandary men jumysshylaryna arnalyp salynyp jatqan 60 páterlik kópqabatty turǵyn úı qurylysyn kórip, baıaý júrip jatqan jumysqa kóńili tolmady. Bul qurylys ýaqytynan eki aptaǵa keshigip keledi.

«Qurylys qarqynyn arttyrý kerek. Ol úshin jumysshylardy kóbeıtý qajet bolar. Aldaǵy dúısenbide bul qurylysta 60 adam jumys isteıtin bolsyn», - dep ákim qurylys basqarmasynyń basshysy Jaıyqbaı Shaldarovqa, atalǵan qurylysqa jaýapty JShS basshysy Rahmanqul Baıtelıevke naqty tapsyrma berdi.

Oblys ákimi bıofarmatsevtıkalyq zaýyttyń qurylysyna jaýaptylarmen shaǵyn keńes ótkizdi.

«Men bul zaýyttyń ýaqtyly aıaqtalýy jóninde Prezıdenttiń aldynda ýáde berdim. Sizder maǵan ýáde bergensizder. Sol múddeden shyǵyp, sózimizde turǵanymyz jón. Qarjydan másele joq. Qurylys qarqynyn arttyryńyzdar», – dedi ol.

Aıta keteıik, atalǵan zaýyt tıisti óndiristik tájirıbeniń halyqaralyq standarty boıyn­sha ımmýnobıologııalyq dári-dármek­ter, onyń ishinde koronavırýs ınfektsııasy­na qarsy vaktsına shyǵarmaq.

Qazir ınstı­týt­tyń koronavırýs indetine qarsy kan­dı­dattyq vaktsınasy DDU tizimine en­gi­zilgen jáne klınıkaǵa deıingi synaqtan sátti ótýde. Sondaı-aq kásiporynda pande­mııalyq tumaýǵa, týberkýlezge, brýtsellezge, nodýlıarlyq dermatıtke, kúıis qaıyratyn usaq janýarlar obasyna, qoı men eshkiniń kontagıozdy ektımasyna, qoı sheshegine, qutyrmaǵa jáne basqa da juqpaly aýrýlarǵa qarsy vaktsınalar shy­ǵarylady.

Qurylys jumystaryn bıyl jel­toqsan aıynda aıaqtaý jáne jyl saıyn bıofarmatsevtıkalyq preparattardyń 60 mln dozasyna deıin óndirý kózdelgen.








Joǵary qaraı