Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Oralda 17 jastaǵy qyz tyıym salynǵan kitaptardy satqan

2020 jyldyń 28 qyrkúıek 2020 22:33

ORAL. QazAqparat – Oralda 17 jastaǵy qyz tyıym salynǵan kitaptardy satqan, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen málim etkenindeı, bul derek áleýmettik jelige monıtorıng jasaý kezinde belgili boldy.

Departamenttiń ekstremızmge qarsy is-qımyl basqarmasynyń qyzmetkerleri oblystyq Din isteri jónindegi basqarmamen birlese otyryp, Oral qalasynyń kámeletke tolmaǵan turǵynynan ekstremıstik mazmundaǵy kitaptardy tárkilegen. Jasóspirim qyz dinı ádebıetti Instragram jelisi arqyly taratqan. Kitaptar saraptamaǵa jiberildi.

Qyzdyń anasyna qatysty QR Ákimshilik quqyqbuzýshylyq kodeksiniń 490-baby 1-bóligi 3-tarmaǵyna (Qazaqstan Respýblıkasynyń dinı qyzmet jáne dinı birlestikter týraly zańnamasyn buzý) sáıkes ákimshilik hattama toltyryldy. Bul bap boıynsha jeke tulǵalarǵa – 50, zańdy tulǵalarǵa 200 aılyq eseptik kórsetkish mólsherinde aıyppul salý qarastyrylǵan.

Jyl basynan beri dinı qyzmet týraly zańnamany buzǵan 19 adam jaýapqa tartyldy.


Avtor Eljan Eraly
Basty sózder: Aımaq, Batys Qazaqstan oblysy, Din,
Joǵary qaraı