Aýa raıy
Astana -6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń kóńil kóterý oryndary karantın talaptaryn eler emes

2020 jyldyń 28 qyrkúıek 2020 23:33

NUR-SULTAN. QazAqparat – Elordanyń kóńil kóterý oryndary karantındik shekteýlerge qaramastan, talaptardy buzýdy jalǵastyrýda, dep habarlaıdy QazAqparat tilshisi.

Máselen, Nur-Sultan qalalyq Polıtsııa departamentiniń málimetinshe, polıtsııa qyzmetkerleri reıd barysynda saǵat 23.35-te kelýshilerdi qabyldap, ishimdik usynýdy jalǵastyrǵan «Tekıla» meıramhanasyn anyqtady. Tekserý nátıjesinde polıtseıler meıramhanada kóńil kóterip otyrǵan 36 adamdy QR Ákimshilik quqyq buzýshylyq týraly kodekstiń 437-babymen ákimshilik jaýapkershilikke tartty. Shekteý sharalarynyń buzylýyna jol bergen meıramhana ıesine qatysty da ákimshilik shara qabyldandy.

«Nur-Sultan qalalyq Polıtsııa departamenti karantın ýaqytynda jumys isteýine tyıym salynǵan kóńil kóterý ornyna barý arqyly ózińizdiń ǵana emes, tóńirektegi adamdardyń da ómirine qaýip tóndiretinińizdi eskertedi. Polıtseıler karantın sharalaryn buzǵany úshin jaýapkershiliktiń bar ekendigin eskertip, sanıtarlyq normalardy saqtaýǵa shaqyrady», - dedi vedomstvodan.

Esterińizge sala ketsek, buǵan deıin elordadaǵy «Alanııa» túngi klýby karantın rejımin buzǵany úshin birneshe ret ákimshilik jaýapkershilikke tartylǵan bolatyn. Kelýshilerge de aıyppul salynǵan edi.

Alaıda, atalǵan klýb tarapynan karantın talaptaryn buzý jıilep ketýine baılanysty onyń ákimshisi qamaýǵa alyndy.


Avtor Marlan Jıembaı
Basty sózder: Nur-Sultan, Koronavırýs,
Joǵary qaraı