Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy vaktsına jasaý úshin 0,5 mln akýla óltirilýi múmkin

2020 jyldyń 28 qyrkúıek 2020 19:01

NЬıÝ-IORK. QazAqparat – Koronavırýs ınfektsııasyna qarsy vaktsına ázirleý úshin jarty mıllıon akýla óltirilýi yqtımal, dep habarlaıdy QazAqparat Sky News agenttigine silteme jasap.

AQSh-tyń jabaıy tabıǵat jónindegi sarapshylarynyń aıtýynsha, akýlanyń baýyrynda koronavırýs vaktsınasynyń óndirisinde qoldanylatyn elementterdiń biri bar. Ol «skvalen» dep atalady.

Málim etilgendeı, Brıtanııa kompanııalarynyń biri skvalendi tumaýǵa qarsy vaktsına jasaý úshin qoldanady. Mamyr aıynda koronavırýsqa qarsy vaktsınalarda qoldanylýy yqtımal adıývanttyń mıllıard dozasy shyǵarylatyny josparlanýda. Bir tonna skvalenge shamamen 3 myń akýla qajet bolady.

Kalıfornııada ornalasqan «Shark Allies» tobynyń aqparatynsha, quramynda akýlanyń baýyr maıy bar bir dozany ár adamǵa berý úshin shamamen 250 myń akýlany óltirý qajet bolady. Biraq dozanyń mólsherine baılanysty olardyń sany kóp bolýy múmkin.

Eger zertteýshiler boljaǵandaı adamdardy ımmýndaý úshin eki doza qajet bolsa. Óltirilýi tıis akýlalardyń sany jarty mıllıonǵa deıin artýy múmkin. Mundaıdy boldyrmaý úshin ǵalymdar skvalendi qant qamysynan jasalǵan sıntetıkalyq zatpen aýystyrýdy synaqtan ótkizýde.

Basty sózder: Koronavırýs, Álem,
Joǵary qaraı