Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

«Saryarqa» hokkeı klýbynyń bas bapkeri aýysty

2020 jyldyń 28 qyrkúıek 2020 19:11

QARAǴANDY. QazAqparat - «Saryarqa» hokkeı klýby bas bapkeriniń mindetin atqarýshy bolyp Evgenıı Korolev taǵaıyndaldy. Buǵan deıin ol «Barys» pen «Temirtaýdy» basqarǵan bolatyn, dep habarlaıdy QazAqparat tilshisi.

«Saryarqanyń» bas bapkeri Rýslan Sýleımanovpen kelisimshart buzyldy. «Saryarqa» HK Rýslan Muhamethanafulyna yntymaqtastyǵy úshin alǵys bildiredi jáne jattyqtyrýshylyq mansabynda odan ári tabystar tileıdi!» - dep klýbtyń saıtynda habarlandy (saryarka-hc.kz).

Evgenıı Korolev - Máskeýdiń «TsSKA» hokkeı mektebiniń tárbıelenýshisi. 2002-2003 jylǵy maýsymda Reseı chempıony, osy maýsymda qurlyq kýbogynyń fınalısi jáne 2006 jylǵy Eýropalyq chempıondar kýbogynyń ıegeri.

1996 jyldan 2002 jylǵa deıin Kanada men AQSh-ta oınady. «Nıý-Iork Aılenders» quramyna kirdi. Ulttyq hokkeı lıgasynda 43 match ótkizip, bir shaıba soǵyp, tórt nátıjeli pas jasady.

2002 jyly ol Reseıge oraldy, onda ol ár jyldary «Lokomotıv», «Torpedo», «Dınamo» jáne «Neftehımık» quramynda oınady, sonymen qatar Reseı quramasynyń múshesi boldy.

2016 jyly Qazaqstanǵa kelip, elordalyq «Barys» komandasyn jattyqtyrdy. Ótken maýsymda «Temirtaý» komandasyn basqardy.

Avtor Agata Mýhamedjanova
Basty sózder: Qaraǵandy oblysy, Sport,
Joǵary qaraı