Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý qalasyn kógaldandyrýǵa 4,69 mlrd teńge jumsalady

2020 jyldyń 27 qyrkúıek 2020 09:55

ATYRAÝ. QazAqparat – Atyraý qalasyn kógaldandyrý jumysyna 4,69 mlrd teńge jumsalady, dep habarlaıdy QazAqparat.

Atyraý qalalyq ákimdigi baspasóz qyzmetiniń málimetinshe, memlekettik-jekeshelik

áriptestik baǵdarlamasy aıasynda qalany kógaldandyrý jumystaryn jeke serikteske berý

týraly sheshim qabyldandy. Bul ótkizilgen konkýrstan keıin jasalǵan.

«Jobany iske asyrý merzimi – 5 jyl, jalpy somasy – 4,69 mlrd teńgeden astam. Bıyl «Atyraý qalasyn kógaldandyrý» memlekettik-jekeshelik áriptestik jobasy aıasynda 375 myń gúl egildi. Sondaı-aq qalanyń 38 kóshesinde, 15 saıabaǵy men alańynda egilgen óskinderge, aǵashtarǵa, alańy 40 612 sharshy metr gúlzarlarǵa, butaly qorshaýlarǵa kútim jasalady. Sorǵy stantsııalary men sýarý júıelerine kezeń-kezeńimen aǵymdaǵy jóndeý júrgizilýde.

Qala tarıhyn qalpyna keltirý maqsatynda 1,5 ga alańda «Sýtıagın baǵy» atalatyn jemis baǵy jandandy. Jeńis saıabaǵy aýmaǵynda jemis aǵashtary egildi. Qazir onyń 900-i tamyr jaıdy»,-dep habarlady qalalyq ákimdiktiń baspasóz qyzmeti.

Bıyl qalanyń eń iri 12 kóshesinde 200 shaqyrym sýarý jelisin aıaqtaý josparlanyp otyr.

Aıta keter jaıt, Ekologııa, geologııa jáne tabıǵı resýrstar mınıstrligimen birlesip, Atyraý qalasynyń aýmaǵynda jasyl jelekterdi otyrǵyzýdy, ósirýdi júzege asyratyn kompanııalardy mindetteıtin jol kartasy qabyldandy. Bul úshin olarǵa jer telimderi beriledi.



Avtor Bek Mustafa
Basty sózder: Atyraý oblysy, Ekologııa,
Joǵary qaraı