Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodar turǵyny dosynyń atynan 14 nesıe alǵan

2020 jyldyń 26 qyrkúıek 2020 18:55

PAVLODAR. QazAqparat – Pavlodar turǵyny dosynyń atynan 2.5 mıllıon teńgege nesıe alǵan, dep habarlaıdy QazAqparat Polisia.kz-ke silteme jasap.

Polıtsııaǵa júgingen er adam belgisiz bireýdiń onyń atyna shamamen 2 500 000 teńge nesıe alǵanyn aıtty. Ol bul jaǵdaıdy nesıelik uıymdar qaryzy barlyǵyn aıta bastaǵan kezde ǵana bilgen. Mundaı jańalyq jábirlenýshini tań qaldyrdy, óıtkeni ol ondaı nesıe almaǵan.

«Tergeý barysynda polıtsııa qyzmetkerleri osy qylmysty jasaǵan kúdiktini anyqtady. Ol óziniń kinásin moıyndady. Nesıeni jasyryn alyp júrgen – jábirlenýshiniń eń jaqyn dosy bolyp shyqty», – dedi PD basshysy Nurlan Másimov.

Byltyr kúdikti óziniń qurbany bolǵan dosynan jalaqy alý úshin banktik kartany óziniń atyna ashyp berýdi suraǵan. Ol kómektesýge kelisken. Biraz ýaqyttan keıin dosy jeke derekterdi bile otyryp, banktik kartochkanyń ıesine túrli mıkrokredıttik uıymdardan 14 nesıe alyp, aqshasyn býkmekerlik kompanııaǵa jumsaǵan.

Qazirgi ýaqytta ustalǵan adamǵa qatysty Qazaqstan Respýblıkasynyń Qylmystyq kodeksiniń 190-baptyń 2-bóligi 4-tarmaǵy boıynsha sotqa deıingi tergeý amaldary júrgizilýde.


Joǵary qaraı