Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynyń eki aýdanyndaǵy 59 eldimeken gazben qamtylady

2020 jyldyń 25 qyrkúıek 2020 23:11

TARAZ. QazAqparat – Jambyl oblysynyń ákimi Berdibek Saparbaev beınekonferentsııa-baılanys rejıminde «Nur Otan» partııasynyń qoǵamdyq qabyldaýy aıasynda azamattardy qabyldady, - dep habarlaıdy QazAqparat tilshisi oblys ákimdiginiń resmı saıtyna silteme jasap.

Aımaq basshysyna Moıynqum jáne Shý aýdandarynyń turǵyndary óz ótinishterimen júgindi.

Jambyl Qalybaev Moıynqum aýdanynda, atap aıtqanda ózi týǵan Moıynqum aýylyn gazdandyrý máselesin sheship berýdi surady. Oblys ákimi óz jaýabynda «Shý» gaz taratý stansasy qurylysynyń jobalyq-smetalyq qujattary daıyn ekendigin tilge tıek etti. Kógildir otynmen Shý jáne Moıynqum aýdandarynyń 59 eldimekeni gazben qamtamasyz etiledi dep kútilýde. Qazaqstan Respýblıkasynyń Qarjy mınıstrligine bıýdjettik ótinim joldanǵan.

Moıynqum aýdandyq ardagerler keńesiniń tóraǵasy Bolat Satybaldıev Merki-Shý-Býrylbaıtal avtomobıl jolynyń qurylysy qashan aıaqtalatynyn surady. Koronavırýstyq pandemııaǵa baılanysty qurylys jumystarynda biraz ýaqyt kidiris bolǵanymen, qazir qaıta bastalǵan. 2021 jyly jospar boıynsha trassanyń 262 shaqyrymy paıdalanýǵa beriledi.




Tilesh Amanjolov Myńaral aýylyndaǵy mádenıet úıin kúrdeli jóndeýden ótkizý kerektigin alǵa tartty. Berdibek Saparbaev bul maqsatqa oblystyq bıýdjetten tórt mıllıon teńge bólingenin, búginde jobalyq-smetalyq qujattama daıyn ekendigin jetkizdi. Qurylys jumystary tıisti saraptamalardan soń bastalmaq.

Sondaı-aq, Shý qalasynyń turǵyny Kúlshat Bekbosynova da oblys ákimine júginip, Qabanbaı batyr kóshesiniń turǵyndary taza aýyz sýdy kútip otyrǵandyǵyn aıtty. Shý qalasynda sý qubyrlaryn ornatý jumystary júrgizilýde, degenmen, Qabanbaı batyr kóshesi merdiger tiziminde bolmaı shyqqan.





Aýdan ákimi Nurjan Kalenderov merdigermen kelissózder júrgizip, turǵyndardyń ótinishterin jetkizgen. Merdiger óz esebinen sýmen jabdyqtaý júıesin ornatýǵa kelisipti.


Avtor Saıa Sembaı
Basty sózder: Energetıka, Jambyl oblysy,
Joǵary qaraı