Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs arterıaldy gıpertonııasy bar adamdarǵa qanshalyqty qaýipti

2020 jyldyń 25 qyrkúıek 2020 19:53

NUR-SULTAN. QazAqparat – Koronavırýs pen pnevmonııadan kóz jumǵan azamattardyń 50 paıyzy arterıaldy gıpertonııamen aýyrǵan. Mundaı málimetti OKQ-da ótken baspasóz máslıhatynda Ulttyq ǵylymı kardıohırýrgııa ortalyǵy basqarma tóraǵasynyń mindetin atqarýshy Mahabbat Bekbosynova bólisti, dep habarlaıdy QazAqparat tilshisi.

Mahabbat Bekbosynovanyń túsindirýinshe, koronavırýs pnevmonııasynyń aýyr túriniń órshý táýekeliniń eń kúrdeli faktory – arterıaldy gıpertonııa.

«Arterıaldy gıpertonııasy bar patsıentter – qaýip toby boıynsha eń aldyńǵy qatarda tur. Olarda pnevmonııa jyldam ári aýyr bolady. Júrek-qantamyr júıesinde patologııasy, arterıaldy gıpertonııa nemese júrek aýrýy bar barlyq qazaqstandyqtardan turǵylyqty jeri boıynsha emhanaǵa esepke tirkelýdi ótinemin. Sonda olardyń jaǵdaıyn qazirdiń ózinde baqylaýǵa alyp, densaýlyq jaıyn qadaǵalap otyrýǵa múmkindik bolady», - dedi Mahabbat Bekbosynova OKQ-da ótken baspasóz máslıhatynda.

Ortalyq basshysynyń aıtýynsha, júrektiń sozylmaly aýrýlarymen aýyratyn patsıentter basqa aýrýy bar adamdarǵa qaraǵanda koronavırýsty aýyr dárejede ótkeredi.

«Júrek qantamyr júıesinde patologııasy bar patsıentter koronavırýstyń alǵashqy belgileri paıda bolsa, birden dárigerge júginýi kerek. Eshqashan ózimdi ózim emdep alam dep oılamańyzdar. Mundaı adamdarda pnevmonııa jedel órshıdi. Aýyr kóteredi. Máselen qaıtys bolǵandardyń jartysynda artenıaldy gıpertonııa bolǵan», - dedi ol.

Sonymen qatar Mahabbat Bekbosynova mundaı adamdar jedel járdem kelgenshe ne isteýi kerektigin túsindirdi.

«Arterıaldy qysymdy ólsheý kerek. Qazir adamdardyń kóbi úıinde-aq tonometrmen qysymyn ólsheı alady. Eger qysym joǵary bolsa, jantaıyp demalǵan abzal. Patsıentte mundaı jaǵdaıda mindetti túrde «Kaptoprıl» bolýy tıis», - dedi Mahabbat Bekbosynova.


Avtor Aıan Bekenuly
Basty sózder: Koronavırýs, Medıtsına,
Joǵary qaraı