Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Marat Ázilhanov sheteldegi qandastardy «El.kz» portalynyń jobasyn paıdalanýǵa shaqyrdy

2020 jyldyń 25 qyrkúıek 2020 18:46

NUR-SULTAN. QazAqparat - QR Aqparat jáne qoǵamdyq damý vıtse-mınıstri Marat Ázilhanov sheteldegi qandastardy «El.kz» aqparattyq-tanymdyq portalynyń jobasyn paıdalanýǵa shaqyrdy, dep habarlaıdy QazAqparat tilshisi.

Aıta keteıik, búgin «Otandastar qory» men «Dúnıejúzi qazaqtarynyń qaýymdastyǵy» birlese otyryp sheteldegi qazaq dıasporalarymen onlaın-kezdesý uıymdastyryldy. Onyń aıasynda «El.kz» aqparattyq-tanymdyq portalynyń «Qandastar» jobasy tanystyryldy.

«Búgingi mańyzdy kezdesýde «El.kz» aqparattyq-tanymdyq portaly jańa qyrynan tanylyp otyr. Bul portal týraly tolyq málimet berilgen. Bizdiń maqsatymyz – osyndaı ortaq alańdardy qurý. Bir-birimizdi tereńirek tanyp, aqparat almasyp otyratyn alańdar mańyzdy. Barlyq elderdegi qandastar osy portal arqyly qosylyp, ózderi týraly, kúndelikti ómiri jaıynda, jalpy jańalyqtardy El.kz arqyly jarııalap otyrsa degen usynys bar», - dedi Marat Ázilhanov.

Osy oraıda vıtse-mınıstr Qazaqstan halqy sheteldegi qandastardyń ómiri týraly jaqsyraq tanysýǵa qyzyǵýshylyq tanytatynyn jetkizdi.

«Mádenıet, bıznes jáne basqa da salalar boıynsha qyzyqty málimetter jarııalansa, qoldaımyz. «El.kz» aqparattyq-tanymdyq portalynyń arnaıy «Qandastar» bólimi barshamyzǵa ıgilikti ortaq alań bola alady. Sondyqtan osy portaldyń múmkindikterin tolyq paıdalanýǵa shaqyramyn. Maqalalar, saraptamalyq zertteýler bolsa, ony jarııalaý kerek», - vıtse-mınıstr.

Óz kezeginde «QazAqparat» HAA» AQ Basqarma tóraǵasy Asqar Ýmarov «QazAqparat» agenttigi biraz jyldan beri sheteldegi qandastarǵa aqparat taratýǵa erekshe mán berip kele jatqanyn atap ótti.

«Tóte jazýmen ǵalamtordaǵy alǵashqy jańalyqtar bizde shyqqan. Sonymen qatar QazAqparattyń latyn nusqasy da jarııalanyp keledi. Byltyr ǵana «Otandastar qorymen» birlese sheteldegi barlyq qazaqtildi BAQ-tyń ókilderiniń basyn qostyq. Búgingi shara aıasynda «El.kz» aqparattyq-tanymdyq portaly jobasynyń tanystyrylymyn ótkizdik. Bul portal burynnan bar. Osy jobany Qazaqstanǵa jasalǵan onlaın-saıahat deýge bolady», - dedi Asqar Ýmarov.


Joǵary qaraı