Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Elena Rybakına Strasbýrg týrnıriniń jartylaı fınalyna shyqty

2020 jyldyń 24 qyrkúıek 2020 17:20

NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Strasbýrg (Frantsııa) WTA týrnıriniń jartylaı fınalyna shyqty, dep habarlaıdy QazAqparat tilshisi.

Osy jarystyń 5-raketkasy bolyp tirkelgen qazaqstandyq tennısshi shırek fınalda álemdik reıtıngte 40-orynda turǵan qytaılyq Chjan Shýaımen kezdesti.

Birinshi partııada E.Rybakına 5:2 esebimen alǵa ketti. Sol basymdylyqty ýysynan shyǵarǵan joq – 6:3.

Ekinshi sette de qazaqstandyq tennısshi breıkpen alǵa shyqty – 2:1. Taǵy bir breık – 4:1. Budan keıin qytaılyq sportshy breık jasap, esepti qysqarta aldy – 2:4. Degenmen ile-shala qaıyra breık jasaǵan Elena esepti 5:2-ge jetkizdi. Aqyry ol matchqa dop bergende, múmkindigin múlt jibermedi – 6:2.

Báseke týra bir saǵatqa sozyldy.

E.Rybakına fınalǵa shyǵý úshin álemniń 84-raketkasy, japonııalyq Nao Hıbınomen talasady.

N.Hıbıno shırek fınalda Rolan Garros týrnıriniń 2017 jylǵy jeńimpazy, qazir álemniń 43-raketkasy, latvııalyq Elena Ostapenkony 7:6 (7:2), 7:6 (7:4) esebimen tize búktirdi. Onyń aldynda japonııalyq sportshy Zarına Dııasty da utyp ketken bolatyn. Endi E. Rybakına sonyń esesin qaıtara ala ma, ony aldaǵy oıyn kórsetedi.

Eske sala keteıik, budan buryn D.Popkonyń Rolan Garros týrnıri irikteý saıysynyń fınalyna, al A.Býblıktiń Gambýrgte shırek fınalǵa ótkenin jazǵan bolatynbyz.





Avtor Eljan Eraly
Basty sózder: Sport,
Joǵary qaraı