Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada janashyr jandar jalǵyzbasty anaǵa baspana alyp berdi

2020 jyldyń 24 qyrkúıek 2020 03:20

QYZYLORDA. QazAqparat - Qyzylorda qalasynda jalǵyzbasty ana baspanaly boldy, dep habarlaıdy QazAqparat tilshisi.

Bul ıgilikti isti Qyzylorda qalasy ákimdigi men «Hkımet» qaıyrymdylyq qory birlese otyryp atqardy. Qyzylorda qalasynda turatyn Maıra Muhamedııarova budan buryn turǵyn úı qıyndyǵyn kórip keldi. Qoly ashyq jomart jandar jalǵyzbasty ananyń kópten kútken armanyna qoly jetýine múmkindik týǵyzdy. Ol buǵan deıin qala shetindegi «Sabalaq» saıajaıynda shaǵyn úıde balalarymen turyp keldi. Onda qys aıynda tóbeden syz ótip, eshqandaı jaǵdaı joq bolatyn. Oǵan qosa Maıranyń anasy qaterli dertke shaldyǵyp, jaǵdaıy nasharlaı túsken-di. Anasynyń kútimine baılanysty birneshe jyldan beri jumysqa da shyǵa almaı keldi. Endi ol jergilikti saýda oryndarynyń birine jumysqa turatyn boldy.

«Saýda orny basshysymen kelisip qoıdyq. Jumys orny olardyń úıine jaqyn», - dedi Qyzylorda qalalyq jumyspen qamtý, áleýmettik baǵdarlamalar bóliminiń basshysy Indıra Aqjigitova.

«Hkımet» qaıyrymdylyq qorynyń qurylǵanyna bir jyldaı ýaqyt ótti. Búgingi kúnge deıin qor músheleri turmysy tómen otbasylarǵa on baspanany tabys etti.


Joǵary qaraı