Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Búkil álem aýmaly-tókpeli oqıǵalardyń jańa tolqynynyń aldynda tur - QR Prezıdenti

2020 jyldyń 23 qyrkúıek 2020 20:09

NUR-SULTAN. QazAqparat - Búkil álem aýmaly-tókpeli oqıǵalardyń jańa tolqynynyń aldynda tur. Bul týraly BUU Bas Assambleıasy 75-sessııasynyń jalpysaıası debattarynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Biz bıyl Birikken Ulttar Uıymynyń 75 jyldyǵyn aýmaly-tókpeli ári kúrdeli syn-qaterlerge toly kezeńde atap ótip otyrmyz. Onyń ishinde eń bastysy – COVID-19 pandemııasy. Bul indet jahandyq ekonomıkaǵa orasan zor zııanyn tıgizdi jáne sonyń aýyrtpalylyǵynan álem halqy zardap shegýde. Adamzat tarıhyndaǵy osyndaı náýbetke qarsy turyp, bizdi aýyr indetten qorǵaý úshin alǵy shepte bolǵan dárigerlerge barsha otandastarymnyń atynan shynaıy rızashylyǵymdy bildiremin. Álemdegi qazirgi tótenshe jaǵdaı densaýlyq saqtaý júıesiniń buzylýyna, sondaı-aq gýmanıtarlyq jáne áleýmettik-ekonomıkalyq kúızeliske alyp keldi. Bul – bizdiń beriktigimiz úshin zor synaq. COVID-19 bizdiń jibergen qatelikterimiz ben aǵattyqtarymyzdy anyq kórsetti»,- dedi Memleket basshysy.

QR Prezıdenti daǵdarysqa qarsy kúres barysynda halyqaralyq yntymaqtastyqqa keri áser etken saýda protektsıonızmi men saıası ultshyldyqtyń artqanyn, sondaı-aq «jahandyq toqyraýdyń» kúsheıe túskenin baıqaǵanymyzdy basa aıtty.

«Búginde búkil álem aýmaly-tókpeli oqıǵalardyń jańa tolqynynyń aldynda tur. Onyń saldary óte aýyr bolýy múmkin. Ózara senimniń jetispeýi, halyqaralyq básekelestiktegi túsinispeýshilik, saýda soǵystary men sanktsııalar ornyqty damýdyń keleshegine nuqsan keltirip, mıllıardtaǵan adamnyń jarqyn álemge degen úmitin úzdi»,- dedi Qasym-Jomart Toqaev.


Joǵary qaraı