Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Lıýdmıla Bıýrabekova Densaýlyq vıtse-mınıstri qyzmetinen bosatyldy

2020 jyldyń 23 qyrkúıek 2020 19:13

NUR-SULTAN. QazAqparat – QR Úkimetiniń qaýlysymen Lıýdmıla Vıtalevna Bıýrabekova QR Densaýlyq saqtaý vıtse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmeti habarlady.

Lıýdmıla Bıýrabekova 1973 jyly Qaraǵandy oblysynda dúnıege kelgen.

1997 jyly Qaraǵandy memlekettik medıtsına akademııasyn, 2004 jyly Qazaq farmatsevtıka ınstıtýtyn, 2014 jyly Halyqaralyq bıznes akademııasyn támamdaǵan. Eńbek jolyn 2004 jyly H. J. Maqajanov atyndaǵy Qaraǵandy kópsalaly klınıkalyq aýrýhanasynda dáriger-klınıkalyq farmakolog bolyp bastady.

Ár jyldary Qaraǵandy jáne Batys Qazaqstan oblystyq densaýlyq saqtaý basqarmalarynda, QR Densaýlyq saqtaý mınıstrliginiń qurylymynda, Respýblıkalyq balalardy ońaltý ortalyǵynda, Ulttyq medıtsınalyq holdıngte, Medıtsınalyq tehnologııalar jáne aqparattyq júıeler ortalyǵynda, QR Prezıdenti Іs Basqarmasynyń Medıtsınalyq ortalyǵynda jumys istedi.

QR Densaýlyq saqtaý vıtse-mınıstri laýazymyna 2020 jylǵy sáýirde taǵaıyndalǵan.





Joǵary qaraı