Aýa raıy
Astana -21 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda áskerıler «tank karýselin» iske qosty

2020 jyldyń 23 qyrkúıek 2020 18:30

TARAZ. QazAqparat - Jambyl oblysyndaǵy «Mátibulaq» polıgonynda «Aldaspan-2020» jedel-taktıkalyq komandalyq-shtabtyq oqý-jattyǵýy aıaqtaldy, dep habarlaıdy QazAqparat.

QR Qorǵanys mınıstrliginen málim etkendeı, oqý-jattyǵýǵa «Ońtústik» óńirlik qolbasshylyǵynyń quramalary men bólimderi, Desanttyq-shabýyldaýshy áskerler, Áskerı-áýe kúshteri, jalpy sany 2500-ge jýyq áskerı qyzmetshi qatysty.

«Oqý-jattyǵýdyń ereksheligi áskerlerdiń jaýyngerlik tehnıkany qoldanýdyń zamanaýı nysandaryn paıdalanýy boldy. Jaýdy der kezinde anyqtaý jáne jeńý úshin toptyń kúshteri men quraldarynan barlaý-atys jáne barlaý-soqqy keshenderi quryldy. Barlaýdy ushqyshsyz ushý apparattary men radıolokatsııalyq stantsııalar júrgizdi. Olar naqty ýaqyt rejıminde komandalyq pýnkterge aqparat berdi. Al artıllerııa men áskerı avıatsııanyń jaýyngerlik bólimsheleri barlaý kezinde anyqtalǵan nysanalar boıynsha qarqyndy oq atýlardy júzege asyrdy», - dedi mınıstrlikten.





Sondaı-aq arnaıy operatsııalar kúshteriniń bólimsheleri túnde belgilengen aımaqqa baryp, shartty jaýdyń aldyńǵy qatarly otrıadyn joıdy.

Torýyldaýdyń keshendi ádisi qoldanylǵan. Atap aıtqanda, baqylaý, marshrýttar men «jaý» keri sheginýi múmkin yqtımal joldardy mınalaý, qarsylastyń kózin oqpen joıý, qajetti qujattar men materıaldardy qolǵa túsirý kirdi. Mundaı jaǵdaıda «altyn mınýt» erejesiniń mańyzy zor.

Tankishiler shartty qarsylasqa úzdiksiz oq jaýdyrdy, oǵan «Tank karýseli» degen ataý berilgen. Onyń barysynda árbir tank vzvody oq atýdy úzdiksiz júrgizedi. Birinshi tank atys pozıtsııasynan oq atýdy júrgizip, negizgi oryndy únemi qosalqy orynǵa aýystyryp otyrady. Ekinshi tank – qarsylastyń nysandaryn baqylap, birinshi tankti aýystyrýǵa daıyn bolýy kerek. Úshinshisi - oq-dárilerdi tolyqtyrý úshin qajet. Oq atý mindetin oryndaǵannan keıin birinshi tank ózgelermen pozıtsııasyn almastyrady. Bul, karýseldiń aınalý prıntsıpine uqsaıdy. Jáne bul bólimshelerdiń joǵary úılesimdiligin jáne ekıpajdardyń sheberligin talap etedi.





«Basqarý organdary sondaı-aq zamanaýı qarýly qaqtyǵystardyń tájirıbesin basshylyqqa aldy jáne operatsııaǵa klassıkalyq sheshim qabyldaýmen qatar, ár kún saıyn jaýyngerlik is-qımyldardy josparlaýdy jáne tapsyrmalardy kúndelikti naqtylaýdy júrgizdi.

Oqý-jattyǵýdyń belsendi kezeńin Qorǵanys mınıstri general-leıtenant Nurlan Ermekbaev baqylap, áskerlerdiń is-qımyldarynyń nátıjelerin oń baǵalady. Ol armııany jetildirýdiń negizgi faktory daıyndyqtyń praktıkalyq tıimdiligi bolyp tabylatynyn atap ótti. Jedel-taktıkalyq daıyndyqta oqý – jattyǵý barysynda kórsetilgen zamanaýı qarýly qaqtyǵystardyń tájirıbesin zertteý jáne qoldaný bolyp tabylady. Al jaýyngerlik oqý – is-qımyldardyń asımmetrııalyq sıpaty jaǵdaıynda búgingi kúni ózekti bolyp tabylatyn áskerı taktıkalyq atysty oqytý protsesine engizý», - delingen vedomstvo aqparatynda.




















Basty sózder: QR Qorǵanys mınıstrligi, Ásker,
Joǵary qaraı