Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq kompozıtor «Abaı syry» atty kúı shyǵardy

2020 jyldyń 23 qyrkúıek 2020 16:09

NUR-SULTAN. QazAqparat – Abaıdyń 175 jyldyq mereıtoıyna oraı kompozıtor Sholpan Qorǵanbek «Abaı syry» atty kúı shyǵardy, dep habarlaıdy QazAqparat.

Sholpan Qorǵanbek - mádenıet qaıratkeri, Nur-Sultan qalasy ákimdigi memlekettik akademııalyq fılarmonııasy «Qorqyt» etno ansambliniń kórkemdik jetekshisi.

Shyǵarmanyń mýzykalyq beınesi Abaı tulǵasymen baılanysty. Bul shyǵarmada uly jazýshy, qazaq oıshylynyń beınesi týǵan tabıǵatynyń biregeı sulýlyǵyn sıpattaý arqyly ashylady. Halyq áni rýhyndaǵy lırıkalyq áýen, dala keńistigindegi mýzykalyq beıne Abaıdyń fılosofııalyq tolǵanystaryn jetkizedi. «Abaı syry» shyǵarmasynyń mýzykalyq tili mánerli jáne áýezdi. Onda án, shertpe kúı sııaqty halyq janrlarynyń ıntonatsııasy úılesim tapqan.


«Bizge Sholpan Qorǵanbektiń «Abaı syry» mýzykalyq shyǵarmasy óte unady. Onyń osy týyndy avtory ekeni qatty qýantady. Mánerli de ádemi áýen júrekke áser etip, týǵan jer, halyq danalyǵy týraly oı qozǵaıdy. Osy shyǵarmany tyńdaı otyryp, uly babany jaqyn týysyńdaı sezinesiń. Sholpan Qorǵanbek jazýshy janynyń lırıkalyq tabıǵatyn sýretteı otyryp, uly Abaıdyń beınesin óte názik jáne sezimtal retinde kórsetken», - deıdi kúıdi oryndaǵan «Saryarqa» halyq mýzyka ansambliniń oryndaýshysy Ertis Saıyrhan.

Eske sala ketsek kúni keshe M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov taıaý arada Abaı shyǵarmalarynyń akademııalyq tolyq jınaǵy jaryqqa shyǵatynyn málim etken edi.


Avtor Aıan Bekenuly
Basty sózder: Vıdeo, Mádenıet, #Abai175,
Joǵary qaraı