Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Inspektorlar oqýshylarǵa karantın talaptaryn túsindirdi - Almaty oblysy

2020 jyldyń 22 qyrkúıek 2020 23:35

TALDYQORǴAN. QazAqparat - Almaty oblysynyń polıtseıleri onlaın tártipte jınalystar ótkizip, oqýshylardyń qaýipsizdigi men sanıtarlyq talaptarynyń saqtalýyn eskertýde, dep habarlaıdy QazAqparat tilshisi.

Almaty oblysynyń tártip saqshylary koronavırýs indetine baılanysty bilim berýdiń onlaın tártipte júrgizilip jatqanyn eskere otyryp, oqýshylarmen jáne olardyń ata-analarymen ǵalamtor arqyly kezdesýler ótkizýde. Jergilikti bilim bólimderiniń uıymdastyrýymen ótetin onlaın jınalystarda ıývenaldy polıtsııa ókilderi oqýshylardyń qaýipsizdigi, olardyń quqyqtyq saýattylyǵyn arttyrý jáne zańǵa baǵynýdy qalyptastyrýǵa baǵyttalǵan quqyqtyq-nasıhattyq, aqparattyq sıpattaǵy áńgimelesýlerdi qashyqtyqtan júrgizýde.

«Almaty oblysy aýmaǵynda 760 memlekettik jalpy bilim beretin mektepter men 76 kolledj bar. ıÝvenaldy polıtsııa tobynyń 182 ınspektory atalǵan bilim mekemelerindegi tártip pen quqyqtyq tárbıege jaýapty retinde bekitilgen. Bıylǵy oqý jyly pandemııaǵa baılanysty onlaın rejımde uıymdastyrylǵanyn esepke alyp, tıisti jumystardy onlaın tártipte júrgizip jatyrmyz. Barlyq ınspektorlar ata-analarmen, oqýshylarmen jáne pedagogıkalyq ujymdarmen aqparattyq-túsindirý jumystary turaqty júrgiziletin bolady»,- dedi Almaty oblysy PD Jergilikti polıtsııa qyzmetiniń erekshe tapsyrmalar jónindegi aǵa ınspektory polıtsııa podpolkovnıgi Medet Qunanbaev.

Polıtsııa ókilderi karantın jaǵdaıynda mektep ákimshiligimen jáne ata-analar komıtetimen tyǵyz qarym-qatynasta jumysyn jalǵastyratyn bolady.


Joǵary qaraı