Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jylý berý maýsymy bastaldy

2020 jyldyń 22 qyrkúıek 2020 21:18

NUR-SULTAN. QazAqparat - Elordada kúnniń kúrt sýyp ketýine baılanysty jylý berý maýsymy erte bastaldy, dep habarlaıdy QazAqparat tilshisi.

«Eń birinshi kezekte áleýmetti nysandarǵa jylý beriledi. Qazirdiń ózinde balabaqshalardyń jartysyna, densaýlyq saqtaý salasyndaǵy nysandaryny tórtten birine jylý berilip qoıdy. Sonymen birge, aldaǵy kúnderi bilim berý men mádenı nysandarda jylý qosylady», - dep habarlaıdy qala ákimdiginen.

Áleýmettik nysandardan bólek kópqabatty turǵyn úı keshenderin de jylýǵa qosý josparlanǵan. Nysandardyń jylý qabyldaýǵa daıyn ekeni týraly qujattary tekserilgen. Sonymen birge jańa nysandarǵa beriletin jylýdyń qaınar kózi aıqyndalǵan.

«Jeke sektorda turatyn halyq úshin kómir qalanyń ártúrli núktesindegi 11 orynda satylady. Janar-jaǵarmaı qoımalarynda jetkilikti qor bar. Kómirdiń baǵasy qaı jerde qandaı ekenin 109 nómirinen bilýge bolady. Sondaı-aq, turǵyn úı massıvterin gazben qamtý jumysy jalǵasady», - delingen ákimdiktiń habarlamasynda


Avtor Aıan Bekenuly
Basty sózder: Aýa raıy, Qoǵam, Nur-Sultan,
Joǵary qaraı