Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Óskemende toı toılap jatqandar tekserý kelgende terezeden sekirip qashty

2020 jyldyń 22 qyrkúıek 2020 14:45

ÓSKEMEN. QazAqparat – Óskemen qalasyndaǵy meıramhanalardyń birinde karantın shekteýine qaramastan toı jasaǵandar anyqtaldy, dep habarlaıdy QazAqparat tilshisi.

ShQO taýarlar men qyzmetterdiń sapasy men qaýipsizdigin baqylaý departamentiniń málimetine súıensek, reıd júrgizgen mobıldi top «Kókjal» meıramhanasyna barǵan.

Alaıda departament ókilderi, ákimdik qyzmetkerleri men tártip saqshylary ishke kire almaı qoıdy.


6 saǵat boıy ishten qulyptanyp turǵan meıramhanadan syrtqa eshkim shyqqan joq. Tek qonaqtardyń biriniń densaýlyǵy nasharlap ketip, oqıǵa ornyna jedel járdem kelip jetkende ǵana esik ashyldy. Qonaqtardyń keıbireýi terezeden sekirip qashqan.

«20 qyrkúıek kúni «Kókjal» meıramhanasynda toı jasaǵandar tirkeldi. Bul Shyǵys Qazaqstan oblysynyń bas memlekettik sanıtar dárigeriniń qaýlysyn buzý. Departament barlyq foto jáne beınematerıaldardy zerttep, tıisti sharalardy qabyldaıdy», - deıdi ShQO taýarlar men qyzmetterdiń sapasy men qaýipsizdigin baqylaý departamentiniń bas mamany Quralaı Dúzgimbaeva.


Joǵary qaraı