Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Almaty polıtsııasy kúsheıtilgen  rejımge kóshti

2020 jyldyń 22 qyrkúıek 2020 10:36

ALMATY. QazAqparat – Almaty qalalyq Polıtsııa departamenti «Qaýipsiz jol» respýblıkalyq jedel aldyn alý sharasyna baılanysty polıtsııa qyzmeti kúsheıtilgen rejımge kóshkenin málim etti, dep habarlaıdy QazAqparat tilshisi.

«22-24 qyrkúıek aralyǵynda ótetin is-shara jol-kólik oqıǵasynyń aldyn alýǵa jáne azaıtýǵa, olardyń saldarynyń aýyrlyǵyna baǵyttalǵan. Onyń maqsaty – aldyn alý jumystaryn kúsheıtý jáne jol paıdalanýshylary arasynda jol qaýipsizdigi talaptarynyń saqtalýyn baqylaý, tıisti qoǵamdyq tártipti, jol qaýipsizdigin qamtamasyz etý jáne jol-kólik oqıǵalaryn azaıtý. Bul kúnderi jeke quram kúsheıtilgen rejımde qyzmet etedi. Sondaı-aq, «Qaýipsiz jol» naýqany aıasynda jolaýshylar men júkterdi avtokóliktermen tasymaldaýdy júzege asyrýda jol qaýipsizdigin baqylaýǵa erekshe nazar aýdarylatyn bolady», - deıdi Almaty qalalyq PD ákimshilik polıtsııa basqarmasynyń bastyǵy Jandos Muratalıev.

Sonymen qatar, bólimshede jaýyngerlik qyzmettiń jeke quramyna júktelgen negizgi mindet- jol júrý erejelerin buzýshylyqtardyń jolyn kesý, jol erejeleriniń talaptaryn eskermeıtin júrgizýshilerdi anyqtaý.

«Sondaı-aq, júrgizýshiler men jaıaý júrginshiler arasynda jol qozǵalysy erejelerin saqtaý boıynsha quqyqtyq túsindirý jumystary júrgiziletin bolady. Kóbine jol apatyna tek júrgizýshiler ǵana emes, jaıaý júrginshiler de kináli. Sondyqtan men turǵyndarǵa kóshelerde qatań belgilengen jaıaý júrginshiler ótkelderinen jáne tek jasyl baǵdarshamda ótińizder», - degim keledi. Júrgizýshiler óte muqııat bolýy , jol erejesin buzbaýy jáne jyldamdyqty saqtaýy kerek», - dedi Jandos Muratalıev.


Avtor Alma Muqanova
Basty sózder: QR ІІM, Jol, Kólik, Almaty,
Joǵary qaraı