Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

BQO medıtsına uıymdarynda eki aıǵa jetetin dári-dármek qory jasaqtalǵan

2020 jyldyń 21 qyrkúıek 2020 22:23

ORAL. QazAqparat – Koronavırýspen kúreste BQO medıtsına uıymdarynda eki aıǵa jetetin dári-dármek qory jasaqtalǵan, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti málim etkendeı, kúni búgin mekemelerde dári-dármek tapshylyǵy joq.

Medıtsınalyq uıymdar maýsym-shildede 488 mln teńgege qosymsha ótinim jibergen bolatyn. Qazirgi tańda 338,7 mln teńgeniń dári-dármegi jetkizildi.

Apta saıyn «SQ-Farmatsııa» JShS-dan dári-dármek ákelinýde.

Óńir dárihanalarynda bólshek saýdadaǵy dári-dármek qory bir aıǵa jetedi. Al kóterme saýda qoımasyndaǵy dári-dármek úsh aıǵa jetkilikti.

Bólshek saýdada dári-dármektiń qanshalyqty bar ekendigine onlaın túrinde monıtorıng júrgiziledi. Kún saıyn farmatsevter mobıldi qosymsha arqyly toltyratyn málimetter stopcovid.kz saıtynda ornalastyrylady.

Qazirgi tańda tórt aıǵa jetetin qordy jasaý josparlanýda. 25 dári-dármek túri boıynsha ótinimder jınaldy. Dári-dármek qazan aıynyń ortasyna deıin jetkiziletin bolady.

«SQ-Farmatsııa» JShS-ǵa segiz dári-dármek túri boıynsha 16,3 mln teńgege ótinim jiberildi.

Oblysta osy kezge deıin koronavırýsqa shaldyqqan 6840 adam tirkelse, sonyń 6607-si jazylyp shyqty. 102 adam ómirden ozdy.

Pnevmonııamen syrqattanǵan 71 adamnyń 31-i statsıonarlyq, 23-i juqpaly aýrýlar, 8-i provızorlyq aýrýhanada emdelýde. 40 adam ambýlatorlyq em alýda. Pnevmonııadan 206 naýqas qaıtty.

Kúni búgin ókpeni jasandy jeldetý apparatyna qosylǵan adam joq, bir emdelýshi ottegi kontsentratorymen demalýda.

Juqpaly aýrýlar aýrýhanasynda 30 adam, provızorlyq statsıonarda 8 adam jatyr. 3 adam jansaqtaý bóliminde.

Eske sala keteıik, budan buryn BQO-da malda koronavırýstyń bar-joǵyn anyqtaıtyn zerthana ashylǵanyn jazǵan bolatynbyz.


Joǵary qaraı